Журналістаў, якім Трамп забараніў з'яўляцца ў Белым доме, зноў сталі туды пускаць
Амерыканскія тэлеканалы MS NOW і CNN 24 верасня паведамілі, што іх журналістам зноў дазволілі працаваць у Белым доме. Гэта адбылося праз некалькі гадзін пасля таго, як суд заблакаваў рашэнне прэзідэнта Дональда Трампа аб выключэнні гэтых медыя з доступу ў рэзідэнцыю прэзідэнта ЗША.
На мінулым тыдні Трамп заявіў, што пазбаўляе CNN, MS NOW і выданне Politico доступу ў Белы дом. Ён патлумачыў гэта тым, што, на яго думку, гэтыя медыя распаўсюджвалі хлуслівыя матэрыялы пра яго самога і ягоную адміністрацыю. На наступны дзень журналістаў названых рэдакцый сапраўды не пусцілі на тэрыторыю комплексу.
21 верасня рэдакцыі звярнуліся ў суд з пазовам супраць Трампа. Яны заявілі, што забарона парушае гарантаваную Канстытуцыяй ЗША свабоду прэсы.
У ноч з 23 па 24 верасня федэральны суд заблакаваў рашэнне прэзідэнта і загадаў аднавіць акрэдытацыі журналістаў CNN, MS NOW і Politico. Суддзя палічыў, што забарона на доступ супрацоўнікаў гэтых медыя ў Белы дом, верагодна, супярэчыць Канстытуцыі. Доступ было загадана аднавіць як мінімум на два тыдні, пакуль суд працягне разгляд справы.
Аднак раніцай 24 верасня журналістаў Politico і MS NOW, а таксама частку супрацоўнікаў CNN спачатку зноў не пусцілі ў Белы дом.
Суддзя вызначыў 12‑ю гадзіну дня паводле вашынгтонскага часу як крайні тэрмін для аднаўлення доступу. Незадоўга да гэтага тэрміну Белы дом выканаў рашэнне суда і аднавіў доступ журналістаў.
Медыя з тэлевізійнага пула Белага дома падтрымалі тэлеканал CNN у канфлікце з Трампам. Не застаўся ўбаку і Fox News
Трамп закрыў CNN, MS NOW і Politico доступ у Белы дом
ЗША прапануюць тры крокі для дээскалацыі вайны ва Украіне
Сі Дзіньпін прыбыў у ЗША з трохдзённым візітам, Трамп асабіста сустрэў яго ў аэрапорце
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары