Украінскі тэлеканал паведаміў пра перабоі ў эфіры пасля расійскіх удараў па дата-цэнтрах у Кіеве
Размова пра тэлеканал «Новини Live».
Шматлікія ўдары па правайдэрах парушылі працу часткі сэрвісаў, у тым ліку эфіру тэлеканала. Спецыялісты ўжо працуюць над аднаўленнем сеткі. Калі непаладкі будуць ліквідаваныя, рэдакцыя вернецца да вяшчання ў звычайным фармаце, піша «Новая газета Еўропа».
Пра пашкоджанне абсталявання раніцай 26 верасня таксама паведаміў інтэрнэт-правайдар «Коло ТБ». У кампаніі заявілі, што сітуацыя «значна складанейшая», чым раней, а аднаўленне можа заняць некалькі гадзін.
Расія ў верасні пачала рэгулярна наносіць удары па ўкраінскіх дата-цэнтрах і інтэрнэт-правайдарах.
Міністэрства абароны Расіі заявіла пра ўдар па дата-цэнтры «Космонава» ў ноч на 26 верасня. Паводле сцвярджэння ведамства, ён забяспечваў падтрымку сістэм спадарожнікавай сувязі Starlink у інтарэсах УСУ.
Маштабныя перабоі з інтэрнэтам назіраюцца ў некалькіх рэгіёнах Украіны.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары