Пачатковая цана — больш за 8 мільёнаў даляраў.
Будынак на праспекце Пераможцаў у Мінску, дзе раней знаходзіўся галоўны офіс кампаніі «Трайпл», выставілі на аўкцыён. Інфармацыя пра гэта з’явілася на пляцоўцы па продажы маёмасці «БелЮрЗабеспячэнне», піша Realt.by.
Васьміпавярховы будынак на праспекце Пераможцаў, 51/2 выставілі на аўкцыён за даўгі ўладальніка. Тут размяшчаюцца офісы розных кампаній. Раней у гэтым будынку знаходзіўся галоўны офіс «Трайпла».
Даўжніком у інфармацыі пра аўкцыён значыцца кампанія «Белсіціойл». Вядома, што ў 2022 годзе гэтая кампанія набыла сядзібу «Макоўза», якую прадавалі за даўгі «Трайпла». Тады ўладальнікам «Белсіціойл» быў сын Юрыя Чыжа.
Плошча офісных памяшканняў, выстаўленых на аўкцыён на праспекце Пераможцаў, складае каля 6,6 тысячы квадратных метраў. Аўкцыён запланаваны на 20 кастрычніка, заяўкі на ўдзел прымаюць да 16:00 19 кастрычніка. Пачатковы кошт — 25 мільёнаў рублёў (8,3 мільёна даляраў).
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары