Грамадства22

У Беларусі распрацоўваюць сэрвіс для заключэння дамоў анлайн

У Беларусі распрацоўваюць электронны сэрвіс «Е-Кантракт», які дазволіць заключаць дамовы ў анлайн-фармаце. Адным з першых напрамкаў яго выкарыстання стане купля-продаж аўтамабіляў. Пра гэта 21 кастрычніка паведаміў начальнік упраўлення інфармацыйных тэхналогій Нацыянальнага цэнтра электронных паслуг Ягор Воранаў, піша агенцтва «Мінск-Навіны».

Здымак ілюстрацыйны. Фота: «Наша Ніва»

Сэрвіс прызначаны для спрашчэння заключэння дамоў паміж грамадзянамі, а таксама паміж фізічнымі і юрыдычнымі асобамі. Ён будзе працаваць на аснове гатовых шаблонаў, у якія неабходныя звесткі пра ўдзельнікаў здзелкі плануюць уносіць аўтаматычна.

Карыстальнікам застанецца праверыць правільнасць інфармацыі, узгадніць умовы і падпісаць дакумент. Гэта дазволіць пазбегнуць самастойнага запаўнення папер і абмену шматлікімі версіямі файлаў.

Распрацоўшчыкі разглядаюць розныя спосабы падпісання дакументаў. Акрамя электроннага лічбавага подпісу, прапрацоўваюцца альтэрнатыўныя механізмы пацвярджэння згоды, у тым ліку аднаразовыя паролі. Гэта павінна зрабіць сэрвіс даступным і для тых, у каго няма адпаведнага носьбіта электроннага подпісу або дакумента з неабходнымі магчымасцямі.

Адным з першых варыянтаў выкарыстання сэрвісу стане афармленне дамовы куплі-продажу аўтамабіля. Мяркуецца, што купец і прадавец змогуць заключыць яе ў электронным выглядзе непасрэдна на пляцоўцы, дзе прадаюцца машыны.

У далейшым «Е-Кантракт» плануюць выкарыстоўваць і для іншых відаў дамоў. Напрыклад, з яго дапамогай можна будзе афармляць наём жылля, калі дакумент павінны падпісаць абодва бакі, а таксама рыхтаваць дакументы, для якіх патрэбная згода некалькіх грамадзян.

Акрамя таго, сэрвіс разглядаюць як інструмент для фармавання дакументаў у межах адміністрацыйных працэдур.

Каментары2

  • Махляр
    21.10.2026
    Нарэшце штосьці больш складанае. Дамафоны, паліклінікі ўжо надакучылі.
  • .
    21.10.2026
    Няясна, ці будуць гэтыя дамовы яшчэ і захоўвацца цэнтралізавана.
    Калі размова пра куплю аўто, то вельмі імаверна. А вось і астатнія?
    А калі так, то дамовы, многія з тыпаў якіх не рэгуляваліся і заставаліся прыватнымі для ўдзельнікаў, стануць празрыстымі для дзяржавы (падаткавай, карнікаў і г.д.)
    Вельмі небяспечна з пункту гледжання прыватнасці і бяспекі.

    Акрамя сачэння за асобамі і бізнесам, тут яшчэ і праблема бяспекі. Калі скрадуць, то скрадуць ужо ўсё разам. Як было нядаўна з обращения.бел.

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць