На выбарах у ЗША прайграла кангрэсвумен-украінка, якая галасавала супраць падтрымкі Украіны
Кангрэсвумен ад Рэспубліканскай партыі Вікторыя Спарц, якая нарадзілася ва ўкраінскай Чарнігаўскай вобласці, прайграла выбары ў Палату прадстаўнікоў Кангрэса ЗША. Паводле вынікаў падліку 99% галасоў у яе выбарчай акрузе ў штаце Індыяна, яна атрымала 48,34% галасоў. Яе апанент ад Дэмакратычнай партыі Джэй Дзі Форд набраў 51,66%.
Вікторыя Спарц (дзявочае прозвішча Кульгейка) нарадзілася ў 1978 годзе ў горадзе Носаўка Чарнігаўскай вобласці, скончыла Кіеўскі нацыянальны эканамічны ўніверсітэт імя Вадзіма Гецьмана.
У 2000 годзе пераехала ў ЗША і зрабіла там бліскучую палітычную кар'еру. У 2017—2020 гадах была сенатаркай штата Індыяна, а ў 2021—2026 гадах прадстаўляла гэты штат у Палаце прадстаўнікоў Кангрэса ЗША. Стала першай у гісторыі Кангрэса ЗША дэпутаткай, народжанай ва Украіне.
Спачатку яна падтрымлівала вайсковую дапамогу Украіне і адной з першых асудзіла расійскае ўварванне ў 2022 годзе. Аднак пазней яе пазіцыя змянілася: яна далучылася да блакавання заканадаўчых ініцыятыў аб выдачы дапамогі Кіеву.
Спарц таксама рэзка выказвалася пра ўкраінскага прэзідэнта Уладзіміра Зяленскага, называючы яго ідыётам, і заклікала ўкраінцаў змірыцца са стратай часткі тэрыторыі.
На гэты момант вядома, што Дэмакратычная партыя вельмі ўпэўнена перамагла рэспубліканцаў на прамежкавых выбарах у Кангрэс, якія прайшлі 3 лістапада. Паводле апошніх даных, дэмакраты атрымалі ў Сенаце 54 месцы, што забяспечвае ім кантроль над верхняй палатай амерыканскага парламента. У Палаце прадстаўнікоў папярэдняя расстаноўка пакуль што 228:139 на карысць дэмакратаў.
«Ён можа актывізаваць свае кантакты з Пуціным». Эксперты ацанілі наступствы паразы Трампа для Украіны і Еўропы
У ЗША ўпершыню абралі цемнаскурую жанчыну губернатарам штата
Дэмакраты перамаглі на выбарах у Палату прадстаўнікоў ЗША
Партыя Трампа перажывае сапраўдны разгром
Дэмакратычная партыя выйграе выбары ў Сенат ЗША
Трамп паабяцаў прыняць перамогу дэмакратаў
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
А ў Цехасе перамог дэмакрат які выступае за больш рашучую дапамогу Украіне.
спачатку якарз была за дапамогу Украіне, але пад ціскам партыі змяніла стаўленне і стала паўтараць тэйкі пра карупцыю і крытыку Зяленскага