Дэмакраты ў Кангрэсе ЗША могуць ухваліць новую дапамогу Украіне, пераадолеўшы вета Трампа
Атрыманне кантролю над абедзвюма палатамі Кангрэса, пачынаючы са студзеня, можа дазволіць дэмакратам ЗША ўхваліць новую дапамогу Украіне, піша Reuters.
У публікацыі адзначаецца, што Трамп практычна спыніў прамую фінансавую і вайсковую дапамогу Украіне, якая змагаецца супраць расійскага ўварвання, нягледзячы на шырокую падтрымку амерыканскай дапамогі з боку заканадаўцаў як Дэмакратычнай, так і Рэспубліканскай партый.
Зусім нядаўна ён выклікаў абурэнне сярод членаў Кангрэса, у тым ліку многіх рэспубліканцаў, адмяніўшы санкцыі ў дачыненні да расійскага дызельнага паліва і адмовіўшыся ад санкцый супраць расійскай энергетыкі — усяго праз некалькі тыдняў пасля падпісання адпаведных законаў.
«Атрымаўшы кантроль над абедзвюма палатамі ў студзені, дэмакраты змогуць вырашаць, якія пытанні і калі выносіць на галасаванне. Гэта можа дазволіць ім ухваліць новую дапамогу Украіне, якая, верагодна, атрымае неабходныя дзве траціны галасоў для пераадолення вета Трампа. Памочнікі дэмакратаў заявілі, што дапамога Кіеву з'яўляецца прыярытэтам», — паведамляе Reuters.
Акрамя таго, дэмакраты могуць засяродзіцца і на іншых дзеяннях Трампа.
Напрыклад, кангрэсмен-дэмакрат Грэгары Мікс з Нью-Ёрка, які, верагодна, узначаліць Камітэт Палаты прадстаўнікоў па замежных справах, унёс двухпартыйны законапраект, накіраваны на блакаванне плана Трампа па вяртанні расійскага дызельнага паліва на сусветны рынак.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос7
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары