Жодзінскае «Тарпеда» не змагло прабіцца ў наступны этап.
Магілёўскі «Дняпро» і мінскае «Дынама» выйшлі ў 3-ці кваліфікацыйны раўнд Лігі Еўропы – другі па значнасці еўрапейскі футбольны турнір. Жодзінскае «Тарпеда» не змагло прабіцца ў наступны этап.
Мінскае «Дынама» сёння, 22 ліпеня, у Таліне разграміла сілумяйскі «Калеў» з лікам 5:0. Тыдзень таму мінчукі перамаглі эстонскі клуб з лікам 5:1.
У 3-м раўндзе «Дынама» згуляе з «Макабі» з Хайфы. Першы матч пройдзе 29 ліпеня ў Ізраілі.
Магілёўскі «Дняпро» згуляў на сваім полі ўнічыю з нарвежскім «Стабекам» -- 1:1, і за кошт двух мячоў, забітых у Нарвегіі (2:2), таксама выйшаў у наступны этап, дзе згуляе з «Банікам» (Астрава. Чэхія).
Жодзінскае «Тарпеда» саступіла ў Барысаве бялградскаму ОФК – 0:1 (першы матч – 2:2) і пакідае турнір. ОФК у наступным раўндзе згуляе з турэцкім «Галатасараем».
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»66
Каментары