Украінскія праваахоўнікі спынілі дзейнасць транснацыянальнай групоўкі «чорных трансплантолагаў».
Украінскія праваахоўнікі спынілі дзейнасць транснацыянальнай групоўкі «чорных трансплантолагаў». У яе працы прымалі ўдзел украінскія хірургі з Нацыянальнага інстытута хірургіі і транспланталогіі.
Злачынная групоўка дзейнічала каля трох гадоў, паведамляе сайт «Подробности». Грамадзян Украіны, Расіі, Малдовы, Беларусі і Ўзбекістана перавозілі ў Азербайджан і Эквадор, каб перасадзіць іх органы рэцыпіентам з Ізраілю.
Усталявана, што донарамі былі каля 50 чалавек. Набор донараў ішоў праз абвесткі ў інтэрнэце. Большасць з іх — здаровыя жанчыны ад 18 да 25 гадоў.
Аперацыі па перасадцы ныркі праводзіліся пераважна ў Азербайджане, а таксама Эквадоры (беларускім грамадзянам). Некалькі аперацый было зроблена ў самім Інстытуце імя Шалімава ў Кіеве.
Кожны з донараў атрымліваў за продаж сваёй ныркі 10 тысяч долараў. Рэцыпіентам такія аперацыі абыходзіліся ў 100–150 тысяч долараў. Хірургі за кожную аперацыю атрымлівалі ад 15 да 20 тысяч долараў.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары