Найвялікшы допінгавы скандал у гісторыі беларускага спорту.
21 верасня Дысцыплінарная камісія федэрацыі цяжкай атлетыкі разглядала справы трох беларускіх спартоўцаў. Усе яны былі злоўленыя на ўжыванні забароненых прэпаратаў падчас красавіцкага чэмпіянату Еўропы ў Мінску.
Мікалай Чэрняк быў бронзавым прызёрам таго першынства. У ягонай крыві ў антыдопінгавым агенцтве знайшлі прэпарат правірон. Гэты сродак прымяняецца перад спаборнцтвамі для павышэння жорсткасці мускулатуры. Ён часта прымяняецца акцёрамі ці спевакамі перад здымкамі, каб падкрэсліць мускулатуру.
Па гэтым выпадку беларусы не змаглі нават апраўдвацца. Вердыкт — 4 гады дыскваліфікацыі.
Яшчэ адна бронзавая медалістка кантынентальнага чэмпіянату Шэмшат Туляева трапілася на ўжыванні кленбутэролу. Часта ён выкарыстоўваецца для спальвання тлушчу. Для цяжкаатлетаў гэта вельмі актуальна перад спаборніцтвамі.
Шэмшат настойвала на тым, што прэпарат яна атрымала ў кроплях ад прастуды. Але не дапамагло дзяўчына атрымала максімальную дыскваліфікацыю — 4 гады.
Туляева родам з Туркменістану, але як спартсменка склалася ўжо ў Беларусі.
Самы дзіўны выпадак быў з алімпійскім чэмпіёнам Андрэем Арамнавым. Ён пагарэў нават не злоўжыванні допінгу, а на тым, што паліў марыхуану.
У прынцыпе, паленне гэтага наркотыку забаронена толькі падчас спаборніцтваў. І беларускі бок настойваў на тым, што Арамнаў ужываў марыхуану задоўга да стартаў. Камісія магла абмежавацца толькі папярэджаннем, але вынесла ці не самае суровае ў дадзеным выпадку пакаранне — шэсць месяцаў дыскваліфікацыі.
А гэта значыць, што Арамнаў прапусціць Алімпіяду ў Лондане. Бо ўсім цяжкаатлетам, якія атрымліваюць паўгадавую ці больш дыскваліфікацыю забаронены ўдзел у Гульнях. Канечне, беларусы будуць аспрэчваць гэтае рашэнне, але невядома, ці прынясе гэта вынік.
Андрэй Арамнаў — чалавек складанага характару. Маючы фантастычны прыродны талент, Арамнаў робіць усё магчымае, каб яго разбазарыць. Колькі разоў яго ўжо лавілі п’яным за стырном машыны. Цяпер вось новы скандал з марыхуанай.
Такіх спартоўцаў складанага лёсу вельмі любяць заўзятары. Можна ўзгадаць хаця б футбаліста Аляксандра Пракапенку. Зрэшты, у Арамнава яшчэ ёсць час, каб рэалізаваць свой грандыёзны патэнцыял.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары