25 кастрычніка Алесь Міхалевіч падаў заяву ў ЦВК з просьбай зрабіць прыём сабраных подпісаў больш празрыстым. На гэтых выбарах падпісныя лісты ў падтрымку свайго прэтэндэнта члены ініцыятыўнай групы павінны здаваць у раённыя выбарчыя камісіі.
Пры гэтым, многія з іх не лічаць дакладную колькасць подпісаў, толькі колькасць перададзеных лістоў. Таксама раённыя камісіі адмаўляюцца выдаваць даведкі, якія пацвярджаюць здачу подпісаў.
«Неабходна, каб улічвалася не толькі колькасць лістоў, але і колькасць подпісаў, — мяркуе Міхалевіч. — Інакш ствараецца глеба для магчымых злоўжыванняў і фальсіфікацый. Дый запісу ў журнал недастаткова. Людзям, якія здаюць падпісныя лісты, трэба даваць на рукі пасведчанне або даведку аб тым, колькі подпісаў было здадзена за пэўнага кандыдата, чаго на дадзены момант не робіць ніхто».
Каментары