Пры ўмове, што арганізацыя Анжалікі Арэхва «аформіць усе дакументы правільна».
Кіраўнік Беларусі, Аляксандр Лукашэнка, заявіў, што бачыць рэальнай магчымасць рэгістрацыі Саюза палякаў Беларусі пад кіраўніцтвам Анжалікі Арэхва.Аб гэтым ён выказаўся падчас сустрэчы з журналістамі вядучых польскіх СМІ.
Словы Лукашэнкі падае «Жэчпасполіта». Паводле выдання, Лукашэнка асабіста хацеў бы, каб існаваў адзін Саюз палякаў Беларусі, аднак кіраўнік краіны не выключае, што калі арганізацыя пад кіраўніцтвам Анжалікі Арэхва падасць дакументы на рэгістрацыю, то можа атрымаць станоўчы адказ.
Разам з тым, Лукашэнка падчас сустрэчы з польскімі журналістамі негатыўна выказаўся аб ранейшай кіраўніцы непрызнанага СПБ — Анжаліцы Борыс. Прэзідэнт звінаваціў яе ў «палітычных амбіцыях».
Выканаўца абавязкаў кіраўніцы незалежнага СПБ Анжаліка Арэхва паведаміла «НН», што магчымасць падаць дакументы на рэгістрацыю будзе разгледжана на адмысловым паседжанні Саюза.
«Мы разглядаем такую магчымасць. Праз некаторы час на Радзе нашай арганізацыі будзе вырашана, што рабіць далей, ці падаваць дакументы», — зазначыла спадарыня Анжаліка.Яна таксама падкрэсліла, што галоўным прынцыпам існавання СПБ застанецца яго незалежнасць і магчымасць самастойна фарміраваць органы кіравання.
Акрамя гэтага, Лукашэнка паабяцаў асабіста паразмаўляць з кіраўніком беларускага КДБ аб магчымасці адкрыцця для польскіх даследчыкаў спецархіваў. Палякаў перадусім цікавіць так званы «Беларускі катынскі спіс» — інфармацыя аб польскіх афіцэрах, расстраляных на тэрыторыі Беларусі ў 1939–1940 гадах.
Саюз палякаў Беларусі быў створаны ў 1990 годзе. У 2005 годзе, пасля таго, як на пасаду старшыні арганізацыі была абраная Анжаліка Борыс, ва ўнутраныя справы СПБ пачалі актыўна ўмешвацца беларускія ўлады. У выніку сход, на якім была абраная Борыс, прызналі неправамоцным, а па пасаду кіраўніка СПБ пры актыўным удзеле беларускіх спецслужбаў быў абраны Юзаф Лучнік.
Прыхільнікаў Борыс гэта не задаволіла і ад 2005 году фактычна існуюць два Саюзы палякаў Беларусі — афіцыйны, які падтрымліваюць беларускія ўлады, і неафіцыйны — каторы прызнае Варшава.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак40
Каментары