Пры гэтым зазначаюць, што праект «адзіны кандыдат» можна пахаваць.
Апазыцыйныя кандыдаты на пасаду прэзыдэнта Беларусі гатовыя падпісаць «Пакт аб ненападзе», хаця на праекце «адзіны кандыдат» паставілі крыж.
З ідэяй «пакту аб ненападзе» ўжо выступілі намесьнік старшыні Аб’яднанай грамадзянскай партыі Яраслаў Раманчук і лідэр саюзу «За мадэрнізацыю» Алесь Міхалевіч.
«Мы павінны заключыць пагадненьне аб ненападзе да 19 сьнежня», — заявіў Раманчук. Пры гэтым прэтэндэнт уважае, што праект «адзіны кандыдат» можна пахаваць.
Спадар Раманчук перакананы, што ў самога яго вельмі вялікія шанцы прайсьці ў другі тур выбараў.
Алесь Міхалевіч сумняваецца, што «пры сумленным падліку галасоў прэзыдэнт можа быць абраны ў першым жа туры».
Паводле спадара Міхалевіча, «для таго каб выходзіць на плошчу, трэба мець падставы — непрызнаньне вынікаў выбараў і г.д. А акцыі пратэсту дзеля акцый пратэсту — я супраць», — заявіў А. Міхалевіч.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая102
Каментары