Цётка Някляева накінулася «з віламі» на правяральшчыкаў подпісаў
Тыя прыйшлі да роднай цёткі кандыдата ў прэзідэнты Някляева спраўджваць пастаўлены за пляменніка подпіс.
«Правяральшчыкі» прыйшлі да роднай цёткі Уладзіміра Някляева, якая жыве ў Крэве, спраўджваць пастаўлены за пляменніка подпіс.
«Пра тое, што гэта мая цётка, «правяральшчыкі», здаецца, не ведалі: у яе іншае прозвішча, — распавядае Уладзімір Някляеў. — Пытаюць: «Вы сапраўды падпісаліся за Някляева?» «Сапраўды падпісалася». «А ведаеце, за якога чалавека вы падпісаліся?.. Ён толькі распавядае ды вершы піша пра тое, як любіць сваіх землякоў, Крэва, а насамрэч тут і носа не кажа — нават на могілках, дзе бацькі пахаваныя, не бывае. За магіламі яго родных вучні Крэўскай школы па даручэнні настаўнікаў прыглядаюць…».
Тут цётку, што называецца, падняло на вілы:
«А вы хоць ведаеце, каму ўсё гэта распавядаеце? Яго роднай цётцы! Ён нядаўна разам са мной у Крэўскай царкве быў, у хросным ходзе удзельнічаў, а потым мы разам на могілкі хадзілі! У мяне сын і муж побач з яго бацькамі пахаваныя!».
І цётка ледзь не віламі гэтых «правяряльшчыкаў» з хаты пагнала.
Цяпер чытаюць
Лукашэнка пра «вялікую здзелку» з ЗША: Гэта не толькі палітвязні7
Каментары