«Юнімілк» атрымаў доступ да пяці беларускіх заводаў

Галоўны расійскі вытворца малочнай прадукцыі і дзіцячага харчавання «Юнімілк» працягвае актыўна развіваць бізнэс у Беларусі. Услед за стварэннем сумесных прадпрыемстваў у Шклове і Пружанах расійскія малочнікі маюць намер наладзіць вытворчасць у Слуцку і Высокім.

Нагадаем, што «Юнімілку» з III квартала 2009 года ў Беларусі належаць кантрольныя пакеты акцый (51%) у СТАА «Юнімілк Шклоў» і СТАА «Юнімілк Пружаны». Партнёрамі расійскай кампаніі сталі Шклоўскі масларобны завод і Пружанскі малочны камбінат, а таксама мясцовыя вытворцы сыравіны. Прадпрыемствы на 99% з’яўляюцца экспарцёрамі.

На Беларускім інвестфоруме ў Франкфурце-на-Майне «Юнімілк» падпісаў інвестыцыйнае пагадненне з Мінскім аблвыканкамам аб стварэнні экспартаарыентаванага кластара па вытворчасці сыроў і малочных кансерваў на базе ААТ «Слуцкі сыраробны камбінат» і актываў ААТ «Слуцкі піваварны завод», гаворыцца ў паведамленні «Юнімілк «.

Агульны аб’ём інвестыцый у праект складзе каля 80 млн еўра ў перыяд да 2017 года. Структура і кошт пагаднення будуць раскрытыя па меры дасягнення дамоўленасці з беларускім бокам, паведамілі ў кампаніі.

Мадэрнізаваныя магутнасці сыраробнага камбіната дазволяць выпускаць да 37 тыс. тон сыру. Каля 90% вырабленай прадукцыі плануецца пастаўляць на экспарт у краіны СНД.

Дзіцячыя сокі засталіся ў цені

Аднак калі пра гэтыя праекты было заяўлена даволі гучна, то набыццё «Юнімілк» завода ў невялікім гарадку на Брэстчыне суправаджалі толькі чуткі. Выявілася, што ў канцы верасня расійская кампанія стала ўладальнікам ЗТАА «ВыСокавае» (г. Высокае, Камянецкі раён), выкупіўшы ў нямецкай кампаніі Leahg Holding 100% у статутным капітале прадпрыемства. Суму пагаднення ў «Юнімілк» не агучваюць.

Варта адзначыць, што летам 2008 года Deutsche Welle, паведамляючы аб прыходзе нямецкага інвестара на Брэстчыну, ацаніла інвестпраект ў 10 млн еўра.

Разам з тым прэс-сакратар «Юнімілк» Яўгенія Лампадава заявіла, што «з другой паловы 2011 года мы пачнем на заводзе ў Высокім вытворчасць дзіцячых сокаў пад уласнай маркай «Цёма», а таксама пад брэндамі Disney і «Смяшарыкі «. Інвестыцыі ў рэканструкцыю прадпрыемства складуць каля 7 млн еўра. Запланаваныя аб’ёмы вытворчасці — 3000–5000 т сокаў у месяц. 100% выпусканай прадукцыі інвестар разлічвае пастаўляць на экспарт.

Праз дэфіцыт магутнасцяў у Расіі «Юнімілк» размяшчае заказы па вытворчасці соку на іншых заводах. Таму ў расійскай кампаніі чакаюць, што «завод у Беларусі гарантавана забяспечыць запатрабаванне ў сокавай прадукцыі; да таго ж рынак дзіцячага харчавання высокарэнтабельны і перспектыўны».

«Юнімілк» дапамаглі «вайна» і Danone

Актыўнасць «Юнімілк» на беларускім рынку эксперты звязваюць з дзвюма прычынамі.

Першая — адгалоскі «малочнай вайны», міравым развязаннем якой, па наяўнай інфармацыі, стаў доступ расійскіх кампаніяў на беларускі рынак.

• 0
• 0
• 0
• 0
• 0
• 0
• 0
• 0