Да першага месца Даніілу Казлову не хапіла 35 балаў.
Да першага месца Данілу Казлову не хапіла 35 балаў.
Армянін Уладзімір Арзуманян з песняй «Мама» набраў 120 балаў. За ім ідзе расійскі дуэт Сашы Лазіна і Лізы Дрозд (119). Трэцяе месца заняла сербка Соні Шкорыч (113).
Журы вырашыла не пакідаць ніводнага маладога выканаўцу з нулявым вынікам. Таму прадстаўніку кожнай краіны адразу налічвалася па 12 балаў.
На гэтым «Еўрабачанні» пераважалі песні на нацыянальных мовах. Але беларускі выканаўца спяваў па-расейску.
Толькі ролік на пару секунд, які анансаваў песню, зрабілі па-беларуску.
Адметнасцю сёлетняга дзіцячага конкурсу стаў прыезд у Мінск пераможцаў папярэдніх гадоў. А таксама выступленне ўдзельнікаў дарослага «Еўрабачання» Аляксандра Рыбака і Дзмітрыя Калдуна.
Як прайшло галасаванне. Не кожная краіна налічыла Беларусі балы. Данілу Казлова адзначылі ў Літве (4), Малдове (6), Нідэрландах (3), Украіне (6), Расіі (10), Латвіі (12), Арменіі (10), Мальце (3), Грузіі (12), Македоніі (7).
Беларусь вышэйшыя балы паставіла Расіі (12), Сербіі (10) і Арменіі (8).
Айчынныя маладыя выканаўцы ўжо займалі першае месца на дзіцячым «Еўрабачанні». У 2005 годзе перамагла Ксенія Сітнік, а ў 2007 — Аляксей Жыгалковіч.
Удзел у сёлетнім конкурсе ўзялі прадстаўнікі чатырнаццаці краін. Літва, Малдова, Нідэрланды, Сербія, Украіна, Швецыя, Расія, Латвія, Бельгія, Арменія, Мальта, Беларусь, Грузія, Македонія.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары