На фронт ён пайшоў з калоніі, дзе апынуўся за забойства і згвалтаванне.
29‑гадовы Арцём Бучын 28 жніўня 2022 года згвалціў і забіў медсястру ў горадзе Чусавы. Па версіі следства, у той дзень ён пасварыўся з сябрамі і пайшоў на вуліцу.
Яму сустрэлася 23‑гадовая медсястра Таццяна Ракуціна, яна спытала ў яго дарогу, ён вырашыў яе правесці. Па дарозе дзяўчына спалохалася Арцёма і ўдарыла яго торбай, ён раззлаваўся, задушыў яе, згвалціў і дабіў каменем. Тады забойцу прысудзілі да 20 гадоў калоніі, хоць пракурор прасіў для яго пажыццёвы тэрмін, пішуць «Осторожно, новости».
Бучын адседзеў паўгода і паехаў на вайну ва Украіну праз ПВК «Вагнер». На фронце ён атрымаў раненне, быў памілаваны і неўзабаве зноў прыехаў у Чусавы. На волі ён вярнуўся да сваёй былой, і роўна праз два гады пасля першага забойства — 28 жніўня 2024 года — Бучын выпіваў разам са сваёй былой жонкай Кацярынай і пасварыўся з ёй праз курэнне.
Жанчына дала яму аплявуху, Арцём раззлаваўся і пачаў душыць яе. На крыкі прыбегла 7‑гадовая дачка былой жонкі Насця ад першага шлюбу— яе Арцём таксама задушыў.
Пасля гэтага ён згвалціў і забіў іх. У Кацярыны застаўся маленькі сын: Бучын забіў жанчыну і яе дачку ад першага шлюбу, але не крануў сваё дзіця.
Ён хаваўся ад паліцыі наступныя тры дні і пазней быў затрыманы. Сёння яго прысудзілі да пажыццёвага зняволення. Мясцовыя выданні адзначаюць, што забітую медсястру пахавалі ўсяго за 200 метраў ад Кацярыны і яе дачкі.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць7
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5858
Каментары