Фармат тэледэбатаў павінен абмяркоўвацца самімі кандыдатамі, а не навязвацца ім.
Палітолаг Валер Карбалевіч у інтэрв'ю БелаПАН адзначыў, што першапачаткова фармат тэледэбатаў павінен быў абмяркоўвацца самімі кандыдатамі. «Але выйшла наадварот: дзяржаўная ўлада ў асобе Белтэлерадыёкампаніі спрабавала навязаць кандыдатам свой сцэнар. І падчас саміх тэледэбатаў ішла спрэчка аб іх фармаце. Нармальныя дэбаты так не праходзяць», — адзначыў Карбалевіч.
Ён пагадзіўся, што кандыдатам у прэзідэнты ўдалося зламаць нарыхтаваны сцэнар: «У вядучых была задача зладзіць канкурэнцыю паміж кандыдатамі і нават сварку. Яны спрабавалі патапіць тэледэбаты ў нейкіх прыватнасцях. А кандыдаты спрабавалі перавесці дыскусію ў больш глабальную плоскасць — ці магчымыя ў Беларусі сумленныя выбары, ці ёсць права выбару ў народа».
Па словах Карбалевіча, апазіцыйныя кандыдаты змаглі ператварыць тэледэбаты ў яшчэ адзін выпад супраць дзейнай улады і Лукашэнкі. «І яны правільна зрабілі, што абралі такую тактыку. Ім удалося навязаць свой сцэнар. Перш за ўсё Някляеву, які пакінуў студыю, Саннікаву, Статкевічу, Кастусёву, які адмовіўся ад дыскусіі з іншымі кандыдатамі», — адзначыў палітолаг.
У той жа час, сказаў Карбалевіч, падчас тэледэбатаў ў такім фармаце кандыдатам у прэзідэнты было немагчыма прыцягнуць на свой бок частку электарату. «Пры такіх тэледэбатах і за такі кароткі час гэта была неразвязальная задача, якім бы таленавітым ні быў кандыдат у прэзідэнты», — адзначыў Карбалевіч.
-
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
-
Беларускі інтэрнэт пад ботамі: як іх распазнаваць і што з імі робяць
-
Добкін: Шмат гавораць, колькі работнікаў ШІ зробіць непатрэбнымі, але ж колькі новых спраў і прац ён дазволіць стварыць?
Каментары