АНТ рыхтуе народ, што за Лукашэнку напішуць 73%
А нікому з апазіцыянераў — больш за два.
А нікому з апазіцыянераў — больш за два.
Учора ўвечары на тэлеканале АНТ падчас перадачы «Контуры» прапаноўвалася ўзяць удзел у інтэрактыўным галасаванні «За каго вы будзеце галасаваць на прэзідэнцкіх выбарах?» Ніякай сістэмы кантролю за вынікамі няма. Фактычна, ва ўсіх гэтых тэлеапытаннях аўтары праграмы могуць ставіць любыя лічбы.
У гэтым сэнсе цікава, якія вынікі прэзентаваў лукашэнкаўскі тэлеканал. За дзейснага кіраўніка дзяржавы
за гадзіну эфіру нібыта прагаласавала 83 тысячы гледачоў, што складае 73,2%.
Другім у рэйтынгу АНТ апынуўся каардынатар «Еўрапейскай Беларусі» Андрэй Саннікаў. За яго быццам бы прагаласавала 1444 чалавекі, што складае 1,3%.
Цікава, што на трэцім месцы нечакана апынуўся Рыгор Кастусёў. Можа гэта ў сувязі з тым, што Лукашэнка назваў яго самым сумленным сярод кандыдатаў. Кастусёў меў — 1,06%.
Зусім крышачку ад прадстаўніка БНФ адстаў вылучэнец АГП. У Яраслава Раманчука на АНТ — 1,04%.
А Уладзімір Някляеў толькі пяты. За яго прагаласавала тысяча чалавек — 0,89%.
Далей размясціліся: Віталь Рымашэўскі — 0,74%, Віктар Цярэшчанка — 0,63%, Мікалай Статкевіч — 0,56%, Алесь Міхалевіч — 0,45%, Дзмітрый Ус — 0,3%.
Цікава, што супраць усіх амаль 20%.
Дарэчы, прыкладна такія самыя лічбы называюць і праўрадавыя прапагандысты.
Яшчэ цікава, што менавіта тэлеканал АНТ замовіўэкзіт-полы ва ўкраінскай кампаніі ТНС.
Каментары