Гэта лёс — адна з ініцыятарак беспрэцэдэнтнай акцыі салідарнасці з затрыманымі нарадзілася 19 снежня.
Гэта лёс — адна з ініцыятарак беспрэцэдэнтнай акцыі салідарнасці з затрыманымі на Плошчы нарадзілася 19 снежня
Знаёмцеся — Дар’я Каткоўская, мінская юрыстка. Напэўна, гэта лёс — Дар’я нарадзілася 19 снежня. Акурат у гэты ж дзень сёлета былі затрыманыя сотні чалавек. Большасць у Мінску, рэшта — па ўсёй Беларусі. І менавіта яна стала адной з ініцыятарак беспрэцэдэнтнай акцыі салідарнасці з затрыманымі ўдзельнікамі паслявыбарчых акцый пратэсту.
У першыя ж дні пасля выбараў блог Дар’і фактычна стаў інфармацыйным цэнтрам гуманітарнай акцыі па дапамозе затрыманым і іх сем’ям. Сюды сцякаецца інфармацыя пра лёс затрыманых — акалічнасці затрымання і канвеерных прысудаў, кантакты дзяржаўных устаноў і праваабарончых арганізацый. У хуткім часе пачалася праца па зборы і дастаўцы асуджаным неабходных рэчаў. А гэтай нялёгкай працай валанцёры не забыліся на хуткія ўжо навагоднія святы — у СІЗА сталіцы і Жодзіна былі падпісаныя сотні віншавальных паштовак.
Дар’я Каткоўская нарадзілася 19 снежня 1982 года ў Мінску. Скончыла гімназію з мастацкім ухілам, юрыдычны факультэт Белдзяржуніверсітэта па спецыяльнасці «Адвакатура і натарыят». Працуе ў прыватнай фірме, вядучы юрыст.
У часе сёлетніх прэзідэнцкіх выбараў была назіральніцай на ўчастку №17 у Фрунзенскім раёне горада Мінска (м-н Сухарава). Яна галасавала на тым жа ўчастку і свой бюлетэнь сапсавала, напісаўшы на ім: «Саня паедзе ў Гаагу». Пазней гэты бюлетэнь камісія «не знайшла» сярод сапсаваных, што стала яшчэ адным прыкладам таго, як у нас лічацца галасы.
Удзел у гуманітарных акцыях для Дар’і не ў навіну. Яна рэгулярна далучаецца да неабыякавых людзей, што па ўласнай ініцыятыве дапамагаюць дзіцячым дамам.
-
«Знайшлі крайняга», а «паставяць салдафона якога-небудзь». У сацсетках адрэагавалі на звальненне кіраўніка «Мінсктранса»
-
Цыганкоў: Не падазраваў, што Бабарыка з'яўляецца прыхільнікам сацыялізму — мары сярэдняга чалавека
-
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
Каментары