У Рэдакцыю «Нашай Нівы» напісала Вольга Дубінка, мама 2-гадовага Эдуарда.Праз халатнасць дактароў, якія прымалі роды, у хлопчыка развіўся дзіцячы цэрэбральны параліч цяжкай формы, эпілепсія. Лячыць хлопчыка ўзяліся толькі ў Інстытуце Глена Домана, што ў Філадэльфіі (ЗША). Перы курс лячэння прынёс пазітыўныя вынікі.
Цяпер жа мама Эдзіка праз «НН» вырашыла падзяліцца яшчэ адной добрай навіной. Дзякуючы інфармацыі ў «Нашай Ніве» і блогах бацькам удалося сабраць патрэбную суму, і з 7 па 16 снежня адбылася чарговая паездка з сынам у Філадэльфію на абследаванне і карэктаванне лячэння. Вынікі паездкі ўзрушылі бацькоў Эдзіка: узровень развіцця хлопчыка зараз адпавядае 8 месяцам, а ў красавіку было ўсяго 4.
Ёсць зрухі па зроку, разуменні, моўным развіцці.«Па вяртанні, натхнёныя гэтымі вынікамі, мы пачынаем займацца па новай, яшчэ больш інтэнсіўнай праграме. Але без дапамогі добрых неабыякавых людзей у нашага сына ніколі б не было такога унікальнага шанца лячыцца ў адзіным месцы ў свеце, дзе ўмеюць тварыць цуды з дзецьмі, хворымі ДЦП! Дзякуй вам велізарны, нізкі паклон і сардэчныя віншаванні з надыходзячым Новым годам і Калядамі! З павагай, Вольга, Павел і маленькі Эдуард», – напісала Вольга Дубінка.
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары