Кантынентальная хакейная ліга выкрыла махінацыі каманды Лукашэнкі
На аматарскі турнір каманда кіраўніка Беларусі выводзіць прафесіяналаў, ды яшчэ і пад чужымі прозвішчамі.
Чарговы калядны хакейны турнір выклікаў нечаканы рэзананс. Бакі працягваюць высвятляць адносіны нават па заканчэнні фінальнага матчу.
Нагадаем, што ў вырашальнай гульні каманда Аляксандра Лукашэнкі саступіла расійцам — 2:3. БТ так пракаментавала гэтую асечку: «Расійцы радаваліся перамозе як дзеці, беларусы ўспрынялі паразу годна…»
Параза прэзідэнцкай дружыны — вельмі рэдкі выпадак: за ўвесь час існавання гэтай «дрым цім» вядома толькі пра тры яе няўдачы. Зрэшты, стаў вядомы няхітры сакрэт, з дапамогай якога «аматарская» каманда Лукашэнкі дамагаецца поспехаў.
На афіцыйным сайце Кантынентальнай хакейнай лігі з’явілася нататка, якая пралівае святло на некаторыя абставіны нядаўняй гульні. Цытуем першакрыніцу:
«Аматарскі статус турніру не перашкодзіў гаспадарам з першага матчу прыцягваць у склад сваёй камандытак што расійцам супрацьстаяла фактычна зборная клубаў Беларусі. Таму перад ужо традыцыйным для гэтага спаборніцтва фіналам (ХК „Газпром экспарт“ — каманда прэзідэнта Беларусі) падтрымаць нашых ветэранаў прыехала моладзь з клубаўхакеістаў-прафесіяналаў , якія выступаюць у Адкрытым чэмпіянаце Беларусі і колькасць якіх да вырашальнай сустрэчы дасягнула дзеcяці,
У пачатку другога перыяду ў дадатак да заяўленых 22 хакеістаў на лёдзе падгулец мінскага „Юнацтва“ Аляксандр Бараўкоў, які паспеў адыграць некалькі зменаў, перш чым яго з дапамогай суддзі КХЛ Андрэя Рагачова, які з’яўляўся адным з галоўных арбітраў матчу, удалося вывесці з дзейнага складу.73-м нумарам з’явіўся адзін з найлепшых бамбардыраў Адкрытага чэмпіянату Беларусі,
Паколькі другі перыяд прайшоў без ўзяцця варотаў, а гаспадарам вельмі хацелася перамагчы, у пачатку трэцяга
ў складзе беларусаў пад прозвішчамі Шыманскага і Уладыкіна з’явіліся яшчэ два прафесійныя хакеісты з мінскага „Юнацтва“— самы дзейсны абаронца Адкрытага чэмпіянату Беларусі Аляксей Баранаў, выхаванец электрастальскай школы хакея, і нападнік Максім Слыш, з чым расійцы пагадзіліся, стаміўшыся спрачацца. Перад трэцім перыядам былі змененыя і правілы — буліты скасавалі, а выдаленні былі вернутыя, што прывяло да таго, што нашай камандзе з дапамогай беларускага арбітра давялося больш за хвіліну гуляць утрох супраць пяцёркі суперніка. Тым не менш, расіейцы выстаялі, а ў серыі булітаў поспех і майстэрства былі на іх баку, у выніку чаго другі раз у гісторыі гэтага турніру (першы — у 2007 годзе) яны здолелі перамагчы — 3:2».
Чаму ж не перамагаць у аматарскіх турнірах, калі палова складу каманды — прафесіяналы? Але гэтым разам не дапамаглі нават махінацыі з гульцамі. Відаць, давядзецца галоўнай суддзёй наступнага каляднага турніру прызначыць Лідзію Ярмошыну…
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары