Пракуратура абскардзіла рашэнне суда аб пакаранні журналіста штрафам.
Пракуратура абскардзіла рашэнне суда аб пакаранні журналіста штрафам.
Як паведаміў «Нашай Ніве» гродзенскі журналіст Андрэй Пачобут, пракуратура вынесла пратэст на рашэнне суда Кастрычніцкага раёна Мінска аб пакаранні журналіста штрафам у памеры 1.750.000 рублёў за «ўдзел у несанкцыянаваным мітынгу» 19 снежня ў Мінску. Падрабязнасці прэтэнзій пракуратуры да судовага рашэння пакуль невядомыя. «Адвакат Аляксандр Галіеў, якія займаецца маёй справай, таксама пакуль не валодае гэтай інфармацыяй. Думаю, што бліжэй да чарговага суда мы будзем ведаць, але ўжо цяпер магу выказаць здагадку, што пракуратуру не задаволіла мяккасць пакарання», – пракаментаваў Андрэй Пачобут. Ён упэўнены, што такім чынам улады рэагуюць на яго журналісцкую працу. «Апошнім часам мае артыкулы пра падзеі ў Беларусі адны з самых папулярных у «Газеце Выборчай».
Разгляд справы прызначаны на 28 студзеня ў Мінскім гарадскім судзе (вул. Дуніна-Марцінкевіча, 1). Пачатак справы ў 15.00.
Нагадаем, што ён быў затрыманы на плошчы Незалежнасці і суткі правёў у аўтазаку. Яго справа разглядалася ў судзе Кастрычніцкага раёну. Але ў апошні момант журналіста вызвалілі, заявіўшы, што па яго справа накіраваная на дадатковую праверку. Сам Андрэй патлумачыў, што дапамаглі актыўныя дзеянні яго рэдакцыі. 8 студзеня Пачобута прымусова даставілі ў КДБ на размову. Журналіст сцвярджае, што гутарка нагадвала допыт, і яго нават некалькі разоў ударылі па галаве. Ён падаў скаргу ў пракуратуру.
Каментары