Міжнароднае рэйтынгавае агенцтва Moody’s заяўляе, што можа быць вымушанае змяніць прагноз рэйтынгу ЗША на «негатыўны» са «стабільнага» раней, чым чакалася, з прычыны пагрозы далейшага росту бюджэтнага дэфіцыту.
Падаўжэнне ўведзеных за былым прэзідэнтам Джорджам Бушам падатковых ільготаў, верагоднасць таго, што Кангрэс адмовіцца скарачаць выдаткі, а таксама вынік лістападаўскіх выбараў пагоршылі няўпэўненасць аналітыкаў Moody’s у гатоўнасці і здольнасці ЗША скараціць памеры дэфіцыту дзяржбюджэту і аб’ём дзяржпазыкі.
«Хоць ніякае рэйтынгавае дзеянне пакуль не разглядаецца, часавыя рамкі патэнцыйнага прыняцця рашэнняў у будучыні, відаць, скароцяцца, а верагоднасць змены прагнозу на „негатыўны“ ў найбліжэйшыя два гады расце», — гаворыцца ў справаздачы старэйшага крэдытнага аналітыка Moody’s Стывена Хеса.
Цяперашняя дзяржпазыка ЗША складае парадку $ 9 трлн супраць $ 4,34 трлн у сярэдзіне 2007 года. Дэфіцыт дзяржбюджэту вырас да 8,8% ВУП з 1% у 2007 годзе.
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў1
Каментары