У Алега Агеева запатрабавалі ўсе дакументы, што датычаць яго прафесійнай дзейнасці.
У Алега Агеева запатрабавалі ўсе дакументы, што датычаць яго прафесійнай дзейнасці.
Як паведаміла «Нашай Ніве» Мілана Міхалевіч, 10 лютага ў юрыдычную кансультацыю Ленінскага раёна Мінска, што на вуліцы Ульянаўскай, 4, завітаў супрацоўнік КДБ. Яго цікавіў адвакат кандыдата ў прэзідэнты Алеся Міхалевіча Алег Агееў. Кадэбіст меў пры сабе ліст на імя загадчыка кансультацыі з просьбай накіраваць у Камітэт дакументы аб дзейнасці адваката Агеева, у тым ліку асабістыя рахункі. Супрацоўнікі кансультацыі выдаць дакументы адмовіліся, бо для гэтага не было прававых падстаў.
Алег Агееў абараняе Алеся Міхалевіча з моманту яго затрымання. Гэты аўтарытэтны адвакат быў абраны сябрам Прэзідыума Мінскай гарадской калегіі адвакатаў.
Як сказаў «Нашай Ніве» адзін з адвакатаў на ўмовах ананімнасці, гэта беспрэцэдэнтны факт ціску.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары