Выніковы даклад міжнародных назіральнікаў Бюро па дэмакратычных інстытутах і правах чалавека (БДІПЧ) АБСЕ аб прэзідэнцкіх выбарах у Беларусі будзе апублікаваны ў пачатку наступнага тыдня.Пра гэта паведамілі ў
У папярэднім заключэнні, абнародаваным 20 снежня ў Мінску, назіральнікі зазначылі, што выбары ў Беларусі
«Прэзідэнцкія выбары паказалі, што Беларусі ўсё яшчэ трэба будзе прайсці значны шлях, каб пачаць адпавядаць сваім абавязацельствам у межах АБСЕ, хаця былі зроблены некаторыя канкрэтныя паляпшэнні», — гаварылася ў дакуменце.
Назіральнікі зазначалі, што дзень галасавання «быў азмрочаны затрыманнямі большасці кандыдатаў у прэзідэнты і соцень актывістаў, журналістаў і прадстаўнікоў грамадзянскай супольнасці».
«У той час як галасаванне ў дзень выбараў у цэлым атрымала станоўчую ацэнку, працэс значна пагоршыўся падчас падліку галасоў: паводле ацэнак назіральнікаў, амаль палова галасоў (пад назіраннем) падлічвалася дрэнна або вельмі дрэнна.Гэта падарвала захады, якія былі зроблены для таго, каб палепшыць выбары», — заявілі назіральнікі АБСЕ.
Кіраўнік кароткатэрміновай місіі назіральнікаў АБСЕ і дэлегацыі ПА АБСЕ Тоні Лойд падкрэсліў, што «гэтыя выбары не змаглі даць Беларусі новы старт, у якім яна мела патрэбу». «Працэс падліку галасоў не быў празрыстым. Народ Беларусі заслугоўвае лепшага. У прыватнасці, цяпер я чакаю, што ўрад будзе адказваць за арышты кандыдатаў у прэзідэнты, журналістаў і праваабаронцаў», — сказаў Лойд.
У сваю чаргу кіраўнік доўгатэрміновай місіі назірання БДІПЧ АБСЕ Герт Хінрых Арэнc заявіў: «Я вельмі спадзяваўся, што гэтым разам мы зможам даць больш пазітыўную ацэнку. На жаль, гэта немагчыма ў святле недахопаў у падліку галасоў і жорсткага адказу ўладаў на ўчарашнія дэманстрацыі».
Пасол Арэнс заклікаў улады Беларусі захоўваць прыхільнасць абавязацельствам у межах АБСЕ і не спыняць дэмакратычныя рэформы, неабходныя для прывядзення выбараў у адпаведнасць з міжнароднымі стандартамі.
Пры гэтым назіральнікі АБСЕ зазначылі, што падчас кампаніі ўсе кандыдаты ў прэзідэнты мелі магчымасць бесперашкодна данесці свае пасланні да электарату. Яны, у прыватнасці, маглі звяртацца да электарату наўпрост падчас двух тэледэбатаў і бясплатнага эфірнага часу, выдзеленага ім без цэнзуры, але ў абмежаваным аб’ёме.
Тым не менш дзейны прэзідэнт і астатнія кандыдаты спаборнічалі ў няроўных умовах, падкрэслілі назіральнікі.
