З 1 лютага 2012 урад Беларусі будзе сам рэгуляваць тарыфы на пропуск трафіку паміж сеткамі аператараў сотавай сувязі.
З 1 лютага 2012 урад Беларусі будзе сам рэгуляваць тарыфы на пропуск трафіку паміж сеткамі аператараў сотавай рухомай электрасувязі.
Савет міністраў Беларусі пастановай № 191 унёс дапаўненні ў пералік паслуг электрасувязі і паштовай сувязі агульнага карыстання, тарыфы на якія рэгулююцца Міністэрствам эканомікі.
Раней гэты пералік, зацверджаны яшчэ ў 2004 годзе, утрымліваў 12 паслуг, сярод якіх не было ніводнай, якая адносілася б да сотавай сувязі. Цяпер пастановай Савета міністраў пералік дапоўнены яшчэ адным пунктам: «Пропуск трафіку паміж сеткамі аператараў сотавай рухомай электрасувязі за адну хвіліну злучэння». Гэта значыць, што дзяржава будзе рэгуляваць цэны на трафік паміж мабільнымі аператарамі Беларусі. Рашэнне прынятае ў сувязі з тым, што цяпер цэны на сувязь паміж мабільнымі аператарамі неабгрунтавана завышаныя. Увядзенне дзяржрэгулявання гэтых цэнаў дазволіць істотна знізіць агульны кошт паслуг мабільных аператараў і зрабіць іх больш даступнымі для насельніцтва.
Гэта першы крок па ўзмацненні дзяржкантролю за цэнамі ў Беларусі, зроблены за апошні год,які адзначыўся сур’ёзным пасоўваннем па шляху лібералізацыі ўмоваў гаспадарання ў Беларусі. Прычым рэгуляванне ўводзіцца на адным з самых прыбытковых сегментаў рынку — мабільнай сувязі. Ці ўзгадняўся дадзены крок з самімі мабільнымі аператарамі, пакуль складана сказаць, але ўрад нават не папярэджваў, што збіраецца зрабіць нешта падобнае.
Згодна з рашэннем урада, Міністэрству эканомікі даручана да 1 кастрычніка 2011 вызначыць спосаб рэгулявання тарыфаў на пропуск трафіку паміж сеткамі аператараў сотавай рухомай электрасувязі за адну хвіліну злучэння. А з 1 лютага 2012 рашэнне аб дзяржрэгуляванні гэтых цэнаў уступіць у сілу.
Застаецца толькі дачакацца рэакцыі саміх мабільных аператараў.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць1
Каментары