У 2010 годзе ў Беларусі зарэгістравана 77 тысяч шлюбаў.
Як паведамляецца на сайце Міністэрства юстыцыі, больш за 70% шлюбаў зарэгістравана ва ўрачыстай абстаноўцы. Асаблівай папулярнасцю карысталіся паслугі па рэгістрацыі шлюбаў па індывідуальным сцэнарыі: «кавальскае вяселле», «вяселле казака», «польскае вяселле», вяселле па старадаўнім абрадзе «яднанне маладых» і іншыя.
Беларусы таксама актыўна выкарыстоўвалі магчымасць рэгістраваць шлюбы ў гістарычных і памятных месцах. Летась праведзены ўрачыстыя рэгістрацыі шлюбаў у Мірскім замку, Нясвіжскім замку, Гродзенскім каралеўскім палацы, Лідскім замкавым комплексе, Баранавіцкім лядовым палацы і інш. Гэта спрыяе далучэнню маладых людзей да багацця беларускай культуры, фарміравання нацыянальнай самасвядомасці і захавання самабытных традыцый, падкрэсліваюць у Мінюсце.
Акрамя таго, у загсе ўсё часцей адзначаюцца сямейныя і юбілейныя ўрачыстасці. Традыцыйнымі сталі мерапрыемствы па ўшаноўванні сем’
Як лічаць у Мінюсце, асноўнай мэтай правядзення такіх урачыстасцяў з’яўляецца «адраджэнне аўтарытэту сям’і ў грамадстве, у якой павінны захоўвацца і памнажацца сямейныя традыцыі, любоў і павага да бацькоў, увага і клопат да дзяцей». Гэта мае «велізарнае значэнне для выхавання духоўна здаровага пакалення», адзначаюць у міністэрстве.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі партыю палітвязняў2
Каментары