10 сакавіка суд Пухавіцкага раёна Мінскай вобласці працягне разгляд грамадзянскай справы па іску былой настаўніцы гісторыі вышэйшай катэгорыі Талькаўскай сярэдняй школы Наталлі Іллініч, якая просіць аднавіць яе на працы.
Як паведаміла Іллініч, у ходзе пасяджэння 9 сакавіка, якое доўжылася з 10 да 19 гадзін, суддзя заслухала пазіцыі бакоў і паказанні васьмі сведак, а таксама даследавала дакументы, прадстаўленыя істцом і адказчыкам. Паводле яе слоў, у чацвер пасля выступлення пракурора і спрэчак суддзя вынесе рашэнне. «Увесь ход разгляду справы сведчыць на маю карысць.
Спадзяюся, суд адновіць мяне на працы», — сказала Іллініч.
Яна была звольнена 27 студзеня дырэктарам школы Наталляй Меркуль. Настаўніца лічыць, што звальненне звязана з яе актыўнай грамадзянскай пазіцыяй. Іллініч 26 гадоў адпрацавала ў Талькаўскай школе, дзе стварыла краязнаўчы гурток і сайт talka.info, выдала кнігу «Талька і наваколле», даследуе
Па сваіх поглядах Іллініч з’яўляецца прыхільніцай ідэі беларускага нацыянальнага адраджэння, але не ўваходзіць ні ў якую палітычную партыю. Брала актыўны ўдзел у шэрагу выбарчых кампаній — збірала подпісы за дэмакратычных кандыдатаў і была назіральнікам.
5 студзеня супрацоўнікі КДБ і МУС правялі ў яе доме вобыск, забралі сярод іншага флэшкарту фотаапарата і сістэмны блок камп’ютара. Праз некаторы час настаўніцу звольнілі з працы, нягледзячы на хадайніцтвы старшыні школьнай прафсаюзнай арганізацыі, бацькоў вучняў і выпускнікоў.
Безвыніковымі былі звароты Іллініч да начальніка аддзела адукацыі Пухавіцкага райвыканкама Таццяны Чарнышовай і міністра адукацыі Сяргея Маскевіча з просьбай аказаць садзеянне ў аднаўленні на працы. У сувязі з гэтым 10 лютага Іллініч падала заяву ў суд. 1 сакавіка суддзя Святлана Акуліч правяла папярэдняе слуханне грамадзянскай справы.
Каментары