Улады Беларусі адправілі міністра фінансаў Андрэя Харкаўца і першага намесніка старшыні Нацбанку Юрыя Алымава ў Маскву для пачатку складанага перамоўнага працэсу з міністраў фінансаў РФ Аляксееў Кудрыным аб выдзяленні крэдытаў на суму ў 3 млрд. даляраў для падтрымкі беларускай эканомікі.
Як паведамляе Interfax.by са спасылкай на крыніцу ва ўрадавых колах, беларуская дэлегацыя вылятае ў Маскву ўжо сёння.
Па словах суразмоўцы, беларускі бок, у адпаведнасці з умовамі кіраўніцтва ўрада РФ, падрыхтаваў праграму дзеянняў па стабілізацыі аплатнага балансу, якая адрозніваецца ад праграмы МВФ
Варта адзначыць, што падрыхтаваўшы вельмі рынкавую праграму дзеянняў у рамках супрацоўніцтва з МВФ, беларускія ўлады, атрымаўшы ў поўным аб’ёме крэдыты фонду, па выніку не выканалі цэлы шэраг прадугледжаных дакументам патрабаванняў менавіта ў частцы скарачэння фінансавання дзяржпраграм, прыватызацыі, ўзмацнення жорсткасці фіскальнай палітыкі (зніжэнне абаротаў друкаванага станка).
Нацбанк і Мінфін афіцыйна не каментуюць любыя складнікі праграмы перамоўнага працэсу да яго завяршэння, уключаючы наяўнасць нейкіх папярэдніх умоваў, выкананне якіх дазволіць беларускім уладам пераканаўча прадэманстраваць гатоўнасць правядзення рынкавых рэформаў.
Само завяршэнне перамоўнага працэсу, як сцвярджае кіраўнік Нацбанка П. Пракаповіч, павінна адбыцца не пазней чэрвеня бягучага года. Разам з тым, беларускія
чыноўнікі адмаўляюцца абмяркоўваць тэму, што чакае краіну, калі да гэтага моманту перамовы не завершацца або скончацца правалам.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»10
Каментары