А Мінгарвыканкам тым часам просіць буйных экспарцёраў сталіцы тэрмінова падаць інфармацыю аб стане валютных сродкаў на рахунках.
Сітуацыя на валютным рынку ў Беларусі працягвае заставацца нявызначанай: валюты няма ў абменніках, яе складана купіць прадпрыемствам на біржы, існуе множнасць курсаў. Відавочна, што ў гэтай сітуацыі без прыняцця сур’ёзных мер не абысціся.
«Спецыялісты у банкаўскіх колах чакаюць у бліжэйшы час прыняцця мер, якія дадуць магчымасць павялічыць аб’ём прадаваемай на біржы валюты. Пры гэтым гаворка не ідзе аб павелічэнні нормы абавязковага продажу валютнай выручкі і падобных інструментах. Сутнасць — у адмене неабгрунтаваных ільгот, якія маюць шэраг беларускіх суб’ектаў гаспадарання. Замежных інвестараў гэтыя змены не закрануць. У выніку раўнаважны курс можа ўсталявацца ўжо праз 1–2 тыдні», — паведаміла карэспандэнту БелТА крыніца ў банкаўскіх колах.
Нацыянальны банк пакуль не ўдзельнічае ў таргах на валютным рынку і лічыць, што рынак сам павінен вызначыць раўнаважны абменны курс рубля да кошыка замежных валют.
***
Тым часам стала вядома, што Мінгарвыканкам просіць буйных экспарцёраў сталіцы тэрмінова падаць інфармацыю аб стане валютных сродкаў на рахунках. Адпаведны ліст быў разасланы 7 красавіка адміністрацыямі раёнаў горада са спасылкай на выкананне даручэння старшыні Мінскага гарвыканкама.
БелаПАН мае копію ліста, разасланага адміністрацыяй Савецкага раёна з паметкай «тэрмінова».
Згодна з ім, прадпрыемствы павінны былі падаць інфармацыю аб наяўнасці валютных сродкаў на рахунках да 17.00 7 красавіка.
Як пракаментавалі гэты дакумент БелаПАН ва ўпраўленні эканомікі адміністрацыі Савецкага раёна Мінска, «ліст разасланы буйным экспарцёрам ў мэтах выканання даручэння старшыні Мінгарвыканкама Мікалая Ладуцькі». Пры гэтым спецыяліст адзначыў, што не ведае мэты гэтага даручэння. «Але гэта не значыць, што яны (арганізацыі. — БелаПАН.) абавязаны падаць такую інфармацыю. Некаторыя шлюць адказ, а некаторыя адмаўляюцца», — сказаў супрацоўнік адміністрацыі.
Атрымаць каментарый у Мінгарвыканкаме па гэтым пытанні пакуль не ўдалося.
Ва ўпраўленні інфармацыі Нацыянальнага банка БелаПАН заявілі, што ім невядомы прычыны такога распараджэння сталічных уладаў.У адказ на пытанне, ці можа быць гэта звязана з магчымым павелічэннем нормы абавязковага продажу валютнай выручкі (на гэты момант яна складае 30%), у Нацбанку нагадалі пра аб’яўлены мараторый на прыняцце рашэнняў на валютным рынку.
На думку аднаго з экспертаў банкаўскай сферы, магчыма, кіраўніцтва Мінгарвыканкама распрацоўвае нейкі механізм пераразмеркавання валюты паміж прадпрыемствамі. Як вядома, у сувязі з нестабільнай сітуацыяй на валютным рынку і множнасцю курсаў валют найбуйнейшыя
Кіраўнік Асацыяцыі малога і сярэдняга прадпрымальніцтва Сяргей Балыкін лічыць, што «гэтыя дзеянні ўладаў непасрэдна супярэчаць духу і літары прэзідэнцкай дырэктывы № 4». «Яны сведчаць, што сітуацыя на валютным рынку вельмі няпростая, таму дзяржава праводзіць „інвентарызацыю“ валютных рахункаў. Гэта фактычна спроба правесці аналіз, сабраць інфармацыю. Але ў гэтым нічога страшнага няма», — адзначыў кіраўнік асацыяцыі.
Балыкін звяртае ўвагу на тую акалічнасць, што ў прадпрыемстваў ёсць поўнае права адмовіцца падаваць такую інфармацыю, «тым больш што дырэктыва прэзідэнта № 4 прадугледжвае скарачэнне колькасці ўсялякага кшталту справаздач».
Арыштаваны 75‑гадовы Зміцер Санько — ветэран-выдавец3
Каментары