Кіроўцу, які п'яным насмерць збіў пешахода, асудзілі на 2,5 года абмежавання волі
Гэтая аварыя адбылася ў канцы лістапада на вул. Казінца ў Мінску. П’яны кіроўца Peugeot збіў на нерэгуляваным пешаходным пераходзе мужчыну, які памёр на месцы здарэння.Завершанае расследаванне, адбыўся суд. Мужчына, які кіраваў аўтамабілем, асуджаны на 2,5 гады абмежавання волі, паведамілі ў аддзеле расследавання ДТЗ ГУУС Мінгарвыканкама.
Кіроўца Peugeot ехаў на сваім аўтамабілі з боку пл. Казінца ў напрамку вул. Кіжаватава. «Было высветлена, што ён рухаўся ў сярэднім шэрагу. Перад ім сталі тармазіць кіроўцы іншых машын. Ён вырашыў апярэдзіць іх па крайняй правай паласе, перабудаваўся і здзейсніў наезд на мужчыну, які заканчваў (а не пачынаў, як паведамлялася першапачаткова) перасякаць праезную частку па нерэгуляваным пешаходным пераходзе», — паведамілі следчыя.
Падчас медыцынскага агляду высветлілася, што ў кіроўцы было амаль 3 праміле алкаголю. Была распачатая крымінальная справа па частцы 2 артыкула 317. Да суду мужчына знаходзіўся ў СІЗА.
— Сваю віну ён адразу прызнаў. Расказаў, што ехаў на магілу памерлага сябра, — удакладнілі следчыя. — Але чаму сеў п’яным за руль, так толкам і не растлумачыў. У аўтамабілі ехалі два пасажыры, што таксама знаходзіліся ў стане алкагольнага ап’янення.
Паводле інфармацыі следчых, кіроўца быў асуджаны на 2,5 гады абмежавання волі з адбываннем пакарання ў папраўчай установе адкрытага тыпу і пазбаўленнем права займаць пэўныя пасады на працягу пяці гадоў. Таксама на 5 гадоў ён пазбаўлены права кіравання транспартнымі сродкамі.
Зяленскі: Рэтранслятары на мяжы Беларусі прыпынілі працу69
Каментары