Расійская ФСБ хоча забараніць Skype і Gmail, бо не кантралюе перапіску на гэтых рэсурсах
ФСБ бачыць у сервісах Skype, Gmail і Hotmail пагрозу нацыянальнай бяспекі
ФСБ бачыць у сервісах Skype, Gmail і Hotmail пагрозу нацыянальнай бяспецы і прапанавала іх забараніць.
Такім чынам, спецслужбы прызналі, што не могуць кантраляваць перапіску і зносіны на гэтых рэсурсах, але адчуваюць такую неабходнасць.
Аб неабходнасці забароны Skype і Gmail заявіў начальнік цэнтра абароны інфармацыі і спецсувязі ФСБ Аляксандр Андрэечкін. Па яго словах, спецслужбы занепакоеныя выкарыстаннем сервісаў перадачы дадзеных з прымяненнем сістэм шыфравання на аснове замежных алгарытмаў, бачачы ў іх патэнцыйную пагрозу бяспецы.
«У апошні час праблема выкарыстання ў сетках сувязі агульнага карыстання шыфравальных крыптаграфічных сродкаў — у першую чаргу замежнай вытворчасці — выклікае ўсё большую заклапочанасць ФСБ. Распаўсюджваюцца розныя праграмныя сродкі, якія дазваляюць шыфраваць трафік. Гэта, у прыватнасці, такія сэрвісы, як Gmail, Hotmail і Skype «, — сказаў Андрэечкін на пасяджэнні урадавай камісіі па федэральнай сувязі і тэхналагічным пытаннях інфарматызацыі.
Іншымі словамі, ФСБ не мае доступ да пошты Gmail і не можа кантраляваць зносіны па Skype.«Бескантрольнае выкарыстанне такіх сервісаў можа прывесці да маштабнай пагрозы бяспекі Расіі», — падкрэсліў прадстаўнік ФСБ.
Пасля гэтага паседжанне праходзіла ў закрытым рэжыме.
Як растлумачыў па яго выніках намеснік кіраўніка Мінкамсувязі Ілля Масух, ФСБ прапанавала забараніць у Расіі выкарыстанне гэтых сервісаў, патлумачыўшы гэта тым, што выкарыстанне ў іх сістэм шыфравання абцяжарвае ажыццяўленне аператыўных мерапрыемстваў.
«Напрыклад, да Gmail доступ з боку праваахоўных органаў цяпер не рэгламентаваны», — адзначыў Масух.
Тым не менш пасля бурнай дыскусіі было вырашана стварыць міжведамасную працоўную групу, якая да 1 кастрычніка павінна выпрацаваць прапановы ўраду па ўрэгуляванні пытання выкарыстання крыптаграфічных сродкаў у сетках сувязі агульнага карыстання.
Масух лічыць, што да забароны выкарыстання гэтых сервісаў справа не дойдзе.
«Грамадзян абмяжоўваць нейкім тэхнічным чынам мы, напэўна, не будзем, — сказаў намеснік міністра. — Пазіцыя Мінкамсувязі заключаецца ў тым, што грамадзянам нічога нельга забараняць, асабліва інтэрнэт. Можна прапаноўваць нейкія сродкі шыфравання, але яны павінны быць бясплатнымі».
Ён таксама паведаміў, што працоўная група будзе складацца з прадстаўнікоў дзяржаўных органаў улады. З аператараў магчымы ўдзел толькі «Растэлекама».
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары