Аляксандр Лукашэнка раскрытыкаваў выступленне беларускай хакейнай зборнай на 75-м чэмпіянаце свету па хакеі ў Славакіі.
«Гэта што за выступленне каманды на чэмпіянаце свету? Мы ж туды грошы ўбухалі немалыя! Дзе вынікі? Што вы паказваеце на чэмпіянаце свету, якое там майстэрства? Поўны бардак! Каманды няма, дысцыпліны няма»,— заявіў Лукашэнка 5 мая на нарадзе па пытанні дзяржпадтрымкі фізічнай культуры і спорту, паведамляе
«Знеслаўляцца такім чынам недапушчальна, — сказаў ён. — І гэта не толькі хакей. Але гэтаму віду спорту мы ўжо ўдзялілі ўвагі столькі, што больш і не прыдумаеш».
Старшыня Федэрацыі хакея Беларусі Яўген Ворсін
«папрасіў прабачэння за невыразнае выступленне беларускай зборнай», якая зараз гуляе на турніры заНа яго думку, прычына няўдач тоіцца ў тым, што каманда знаходзіцца ў працэсе амаладжэння: больш моцныя гульцы завяршылі спартыўную кар’еру, а моладзь яшчэ не выйшла на належны ўзровень гульні. На гэтым чэмпіянаце выступаюць сем дэбютантаў.13-16-е месцы.
«Лодары! — адрэагаваў Лукашэнка.— Я крышку, зусім крышку ў спорце разбіраюся і бачу: галоўная прычына такой гульні ў тым, што фізічна не гатовы, а вы мне расказваеце пра змену пакаленняў. Ні жадання там няма, ні майстэрства, ні дысцыпліны, ні парадку! Не бачна ні гульцоў, ні трэнераў».
Яўген Ворсін таксама зазначыў, што без дзяржаўнай падтрымкі хакейныя клубы апынуцца ў «сур’ёзным эканамічным упадку», уласная гаспадарчая дзейнасць не дае пакуль сур’ёзнай аддачы. На гэта беларускі кіраўнік адказаў: «Вы назвалі шэраг праблем: не можаце аплаціць камунальныя паслугі за спартыўныя збудаванні і купіць форму. Добра. Мы вырашым пытанне па камунальных паслугах, паглядзім, як, працэнтаў 50 аплацім, усё нельга, таму што не будуць потым займацца працай тут, не будуць імкнуцца зарабляць грошы, і купім форму спартыўную. Па нарматыве кожнаму гульцу, пачынаючы ад вышэйшага класа і зборнай і заканчваючы дзеткамі, якія займаюцца. Калі ласка! А астатняе — ідзіце і зарабляйце самі».
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі53
Каментары