На рахунках Мубаракаў у іншых краінах былі арыштаваны сотні мільёнаў даляраў.
У аўторак арабскія СМІ распаўсюдзілі ліст ад імя звергнутага тры месяцы таму прэзідэнта Егіпта Хосні Мубарака. У ім Мубарак прыносіць прабачэнні ўсім егіпцянам і просіць амніставаць яго.
Мубарак просіць прабачэння ад імя сябе і сваёй сям’і «за любое злачынства, зробленае людзям», — паведамілі крыніцы ў новым часовым урадзе Егіпта, які ўтварыла армія.
У якасці апраўдання Мубарак кажа, што ўсе зробленыя ім памылкі паходзілі ад яго дарадцаў, якія паведамлялі яму ілжывую інфармацыю.
Таксама ў тэксце Мубарак заяўляе, што гатовы перадаць Егіпту усе свае грошы і ўласнасць.
У панядзелак жонка Хосні Мубарака Сюзана падпісала паперы аб адмове на карысць дзяржавы ад сваёй маёмасці — вілы ў прыгарадзе Каіра і сумы ў $3,4 млн на банкаўскіх рахунках.
На рахунках Мубаракаў у іншых краінах былі арыштаваны сотні мільёнаў даляраў — 340 мільёнаў у адной Швейцарыі.
Дарэчы, і «народны лідар» Лівіі Муамар Кадафі таксама меў у Швейцарыі 320 мільёнаў баксаў.
У дачыненні да
Мубарака і яго жонку абвінавачваюць у выкарыстанні службовага становішча для асабістага ўзбагачэння, а Мубарака таксама падазраюць у выдачы загадаў страляць па мірных грамадзянах.
Цяпер чытаюць
Былыя жонка і дзяўчына Пратасевіча аб’ядналіся і прыйшлі да яго новай нявесты, каб адпомсціць. І пагражаюць судом18
Каментары