Электрацягнік для гарадскіх ліній развіў рэкордную для Беларусі хуткасць - 176 км/г пры выкананні хуткасных дынамічных выпрабаванняў на ўчастку шляху Даманава - Лясная.
Па ўмовах гэтага сертыфікацыйнага тэставання, швейцарскі састаў павінен быў развіць хуткасць на 10% вышэйшую за канструкцыйную хуткасць, вызначаную заводам-вытворцам. Для імітацыі запоўненасці пасажырамі, вагоны электрацягніка былі загружаныя спецыяльнымі мяшкамі з пяском агульнай вагой 42,8 тоны. Выпрабаванні правялі для праверкі работы электрацягніка пры поўнай загрузцы ў частцы захавання хуткаснага рэжыму і праверкі даўжыні тармазнога шляху пры хуткасці 160 км/г.
Электрацягнік паказаў высокія тэхнічныя характарыстыкі, адзначылі на Беларускай чыгунцы.
На сертыфікацыйных выпрабаваннях прысутнічалі: тэхнічны кіраўнік праекта пастаўкі электрацягнікоў у Беларусь кампаніі Stadler Фрытц Шаад, прадстаўнікі Балтыйскага выпрабавальнага цэнтра і спецыялісты БЧ.
У рамках выпрабаванняў электрацягнік для гарадскіх ліній ужо прайшоў 18 тысяч кіламетраў.
27 мая кампанія Stadler прадаставіць Беларускай чыгунцы дакументы, якія дазваляюць допуск электрацягніка да эксплуатацыі з пасажырамі. У чэрвені швейцарскі састаў пачне курсіраваць на ўчастку Мінск - Заслаўе ў тэставым рэжыме.
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі19
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары