Прэзентацыя электроннага выдання «Кнігазбор роду Сапегаў» адбылася вечарам 4 чэрвеня ў Пружанскім раёне ў межах абласнога свята «Ружанская брама».
Прэзентацыя прайшла ў адрэстаўраваным усходнім флігелі Ружанскага замка — палацавага комплексу старажытнага роду Сапегаў.
Аднаўленне ў лічбавым варыянце кніжнай калекцыі рэалізавана ў межах міжнароднага праекта «Віртуальная рэканструкцыя бібліятэкі роду Сапегаў» нацыянальнымі бібліятэкамі Беларусі і Расіі, а таксама Брэсцкай абласной бібліятэкай.
Як паведаміла БелаПАН намеснік дырэктара па навуцы Брэсцкай абласной бібліятэкі Ала Мяснянкіна, у
«Электроннае выданне вяртае няхай і віртуальна тое, што складае памяць і гонар беларускай нацыі ў цэлым, у тым ліку жыхароў нашага рэгіёну, — падкрэсліла Мяснянкіна. — Прадстаўлены ў ім матэрыял будзе цікавы даследчыкам, выкладчыкам і навучэнцам устаноў адукацыі, а таксама ўсім, хто цікавіцца гісторыяй культуры нашай краіны, і можа пакласці пачатак стварэнню ў нашым рэгіёне міжнароднага інфармацыйнага цэнтра Сапегаў».
Паводле яе слоў, ідэя віртуальнай рэканструкцыі бібліятэкі Сапегаў належыць супрацоўнікам Брэсцкай абласной бібліятэкі. Гэта прапанова абмяркоўвалася на міжнароднай навуковай канферэнцыі «Берасцейскія кнігазборы», якая прайшла ў кастрычніку 2008 года ў Брэсце.
«Сёння практычна ўсе ўцалелыя гістарычныя кнігазборы знаходзяцца за межамі Беларусі — у Расіі, Швецыі, Польшчы, ва Украіне.Выданне „Кнігазбор роду Сапегаў“ — адзін з важных кірункаў адраджэння культурнай спадчыны, якой з’яўляецца кніжная культура», — адзначыла Мяснянкіна.
У праграме абласнога свята «Ружанская брама» таксама тэатралізаванае прадстаўленне «Шляхецкі баль», выступленне творчых калектываў вобласці,
Арганізатарамі мерапрыемстваў выступілі Брэсцкі аблвыканкам і Пружанскі райвыканкам.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек7
Каментары