Уплывовае шведскае выданне Svenska Dagbladet крытыкуе галоўную тэлекамунікацыйную кампанію на рынках сотавай сувязі Швецыі і Фінляндыі TeliaSonera за тое, што яе даччыная фірма ў Беларусі,GSM-аператар мабільнай сувязі Life:) — ЗАТ «БеСТ» блакуе сваім абанентам доступ да сайтаў charter97.org, belaruspartisan.org і prokopovi.ch.
Паводле Svenska Dagbladet, TeliaSonera, чыімі асноўнымі акцыянерамі з’яўляюцца шведская дзяржава (37,3% акцый і галасоў) і фінская дзяржава (13,7%), стала «сапраўдным цэнзарам» свабоды слова ў Беларусі» і ў сваіх дзеяннях «пайшла яшчэ далей, чым беларускі рэжым».
Паводзіны галоўнай паўдзяржаўнай скандынаўскай тэлекамунікацыйнай кампаніі з’яўляюцца «дзіўнымі», бо менавіта шведскі ўрад на высокім міжнародным узроўні робіць шматлікія заявы адносна «большай свабоды ў інтэрнэце».
«Так, на мінулым тыдні міністр замежных справаў Швецыі Карл Більт у сваёй заяве пра Беларусь згадаў пра праблемы краіны, у тым ліку пра блакаванне або фільтрацыю
«Крытыка на адрас бізнэсу TeliaSonera ў Беларусі гучала і ў мінулым, напрыклад, у кантэксце таго, што беларускія аператары мабільнай сувязі дапамагалі ўладам краіны праслухоўваць размовы апанентаў рэжыму. На гэтую крытыку кампанія адказала, што яна толькі прытрымліваецца мясцовых законаў.
Цяперашнія паводзіны выглядаюць яшчэ больш адметнымі — TeliaSonera блакуе сваім абанентам доступ да крытычна неабходнай інфармацыі без законных на тое падставаў.
Такім чынам, кампанія актыўна і свядома дапамагае рэжыму Лукашэнкі ў рэпрэсіях супраць дысідэнтаў. Гэта ідзе яшчэ далей, чым рэпрэсіўнае заканадаўства рэжыму, якое мае на мэце спыніць крытыку ў інтэрнэце».
Як адзначыў у сваім каментары выданню кіраўнік шведскай праваабарончай ініцыятывы Östgruppens Марцін Угла, «калі замежная палітыка дзяржавы накіраваная на павышэнне ўласнага аўтарытэту, урад мусіць забяспечыць, каб дзяржаўныя прадпрыемствы вялі сябе прыстойна і ў адпаведнасці з гэтай палітыкай».
«Цяпер урад Швецыі мусіць скарыстацца сваім правам уласніка кампаніі і спыніць дзейнасць TeliaSonera як цэнзуры ў Беларусі», — заявіў Марцін Угла.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў9
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1717
Каментары