«Белэнерга» не плаціць за электраэнергію з сакавіка, назапашаны аб'ём запазычанасці складае амаль 55 млн даляраў.
Ужо ў чацвер «Інтэр РАТ ЕЭС» можа амаль удвая скараціць экспарт электраэнергіі ў Беларусь з-за даўгоў «Белэнерга», распавяла газеце «Коммерсант» крыніца ў расейскім энергахолдынга.
Кампанія ўжо паінфармавала «Сістэмнага аператара» аб зніжэнні ператокаў з Расеі ў Беларусь на 200 МВт з 9 чэрвеня. Гэта амаль удвая паменшыць аб'ёмы экспарту, якія складалі 400-500 МВт. Беларускі бок таксама пастаўлены ў вядомасць аб гэтым абмежаванні.
«Белэнерга» не плаціць за электраэнергію з сакавіка, кажа крыніца «Коммерсанта», бакі некалькі разоў дамаўляліся аб адтэрміноўцы, назапашаны аб'ём запазычанасці складае амаль 55 млн даляраў. Абмежаванні ператокаў будуць дзейнічаць да 19 чэрвеня, затым пастаўкі электраэнергіі ў Беларусь могуць быць цалкам спыненыя, калі «Белэнерга» не пачне пагашаць доўг.
Гэта не першы канфлікт паміж «Інтэр РАТ» і Беларуссю, звязаны з экспартам электраэнергіі. У 2010 годзе бакі не змаглі ўзгадніць цану транзітных паставак у Прыбалтыку (у Мінску настойвалі на рэзкім павелічэнні выплат за транзіт).
Пасля гэтага Мінск абвясціў, што закрывае на рамонт асноўную ЛЭП 750 кВт, якая злучае энергасістэмы дзвюх краін, пасля чаго экспарт у Беларусь спыніўся. Аднавіць пастаўкі атрымалася толькі ў лютым 2011 года, калі беларускі бок узгадніў з Масквой усе спрэчныя пытанні ў электраэнергетыцы.
Назапашванне запазычанасці адбывалася на фоне валютнага крызісу і дэвальвацыі беларускага рубля на 56%.
Цяпер чытаюць
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы20
Каментары