Мальцаў: Магчыма, за бензін пры выездзе з Беларусі прыйдзецца даплачваць
У Беларусі ўвядуць меры для абароны «спажывецкага рынку ад неабгрунтаванага вывазу тавараў за мяжу».
У Беларусі ўвядуць меры для абароны «спажывецкага рынку ад неабгрунтаванага вывазу тавараў за мяжу». Аб гэтым сёння паведаміў дзяржаўны сакратар Рады Бяспекі Леанід Мальцаў.
Са словаў Мальцава, цэны ў сумежных краінах на сацыяльна значныя тавары вышэй. «Асобныя нядобрасумленныя людзі спрабуюць на гэтых праблемах нажывацца. Таму цяпер адпрацоўваецца сістэма мер па абароне спажывецкага рынку, у тым ліку і ад неабгрунтаванага вывазу тавараў за мяжу», — сказаў Мальцаў.
Праблемы «не павінны быць нагодай для асобных людзей, каб на гэтых праблемах спрабаваць вырашыць нейкія пытанні свайго дабрабыту», — выказаўся ён.
Дзяржсакратар Рады бяспекі таксама ўдакладніў, што планаваныя меры будуць часовымі: «Сістэма будзе мяняцца ў залежнасці ад змены сітуацыі на рынку».
У якасці адной з найбольш вострых праблем ён узгадаў сітуацыю, звязаную з вывазам паліва з Беларусі. «Калі ён [бензін] у нас таннейшы, то выязджаеш за мяжу — заплаці гэтую розніцу», — адзначыў Леанід Мальцаў, кажучы аб магчымых варыянтах вырашэння гэтай праблемы.
Мальцаў паабяцаў, што новыя захады не парушаць абавязкаў Беларусі ў рамках Мытнага саюза.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары