дапоўнена
Рада ААН асудзіла парушэнні правоў чалавека ў Беларусі
Супраць прыняцця рэзалюцыі галасавалі Расія, Кітай, Куба, Эквадор і Нігерыя.
Рада ААН па пытаннях правоў чалавека асудзіла ў пятніцу ўлады Беларусі за рэпрэсіі ў адносінах да апазіцыі. Адпаведная рэзалюцыя прынятая 21 голасам. Пры гэтым 5 краінаў прагаласавалі «супраць», 19 устрымаліся.
Рэзалюцыя «асуджае парушэнні правоў чалавека», што здарыліся перад, у часе і пасля прэзідэнцкіх выбараў у Беларусі.
Рада ААН звярнулася з просьбаю да вярхоўнай камісаркі ААН па пытаннях правоў чалавека Наві Пілэй сачыць за сітуацыяй у Беларусі і зрабіць ацэнку стану рэчаў на паседжанні рады ў верасні.
Афіцыйны Мінск хуценька адгукнуўся на рэзалюцыю. МЗС Беларусі асудзіў яе, назваўшы «палітычна матываванай і неабгрунтаванай», а таксама заявіў, што рэзалюцыя «будзе мець дэструктыўныя наступствы для Рады па пытаннях правоў чалавека і праваабарончых структур ААН у цэлым».
Супраць прыняцця рэзалюцыі галасавалі Расія, Кітай, Куба, Эквадор і Нігерыя.
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам4
Каментары