Учора, а20-й каля Чырвонага касцёла ў Мінску, дзе штосераду ў гэты час адбываецца малітва за палітзняволеных, было шматлюдна. Сабралося некалькі дзясяткаў людзей. Прыйшлі сваякі палітзняволенных — маці Андрэя Саннікава, Эдуарда Лобава, Мікіты Ліхавіда, Федара Мірзаянава і інш.
Людзі прыйшлі вельмі ўзрушаныя, усхваляваныя тым, што на іх вачах затрымалі моладзь толькі за тое, што тыя шпацыравалі і пляскалі ў далоні, выказваючы такім чынам пратэст супраць гвалту, што адбываецца ў краіне.
Малітва за палітзняволенных была моцнай, шчырай, кранальнай. Прагучаў наш нязломны і мілы сэрцу гімн «Магутны Божа», прагучала «Жыве Беларусь», а людзі не хацелі разыходзіцца і працягвалі спяваць спевы Перамогі.
Бог дзейнічае! Дзякуй Богу!
Каментары