Скандал у «Еўраопце». 96‑гадоваму дзядулю не дазволілі прысесці на крэсла каля касы

«Людзі, будзьце дабрэйшыя. Сітуацыя адбылася ў краме «Еўраопт». Працавала адна каса, і ў чарзе стаяў старэнькі дзядуля. Яму было цяжка стаяць, і ён прысеў на вольнае крэсла, якое было ПУСТЫМ на касе. І ведаеце што? Падышла касірка, накрычала на яго і сказала, што гэтае крэсла не прызначанае для яго. Я была проста ў шоку. Вядома ж, людзі заступіліся, але касірцы было ўсё адно. І дзядуля ў выніку сеў на металічную агароджу, якая падзяляла касы самаабслугоўвання і звычайныя. Гэта проста жах», — абурылася карыстальніца папулярнай сацсеткі.

Посмотреть в Threads

Пост тут жа набраў некалькі тысяч лайкаў. Беларусы горача абурыліся і паспачувалі дзядулю. Тут жа згадалі нядаўні скандал у сетцы піцэрый. Пасыпаліся пагрозы: «Адмянілі «Дадо Піцу» — і «Еўраопт» адменім». Успомнілі непрыемныя выпадкі хамства ў іншых крамах, а таксама расказалі пра прыемныя выключэнні.

Павялічыць

«Чаму я плачу? А таму, што ў мяне ёсць тата, і яму 74. І я б вельмі хацела, каб яго такое ніколі не кранула».

«На маёй мінулай працы да нас кожны вечар заходзіў дзядуля. Ён інвалід, без хадункоў перасоўвацца не мог. І вось мы яго заўсёды саджалі на крэсла і хадзілі збіраць яму прадукты па яго спісе. Дзядуля адзінокі быў, таму мог сядзець гадзінамі і размаўляць з персаналам. А ў гэтай паненкі на касе трэба забраць крэсла, няхай увесь дзень абслугоўвае пакупнікоў стоячы. Можа хоць так зразумее, як гэта, калі хочацца проста пасядзець».

Зрэшты, не ўсе былі настроеныя катэгарычна. Многія адзначылі, што касірка зрабіла паводле інструкцыі. Хіба можна караць чалавека за тое, што ён выконвае сваю працу? Бо паненка адказвае за захаванасць грошай у касе. А добрыя людзі ў чарзе маглі б і прапусціць старога без чаргі, замест таго каб валіць усю віну на супрацоўніка крамы.

«Дабрыня дабрынёй, але думаць таксама трэба. Дзядуля, атрымліваецца, сеў на крэсла, якое стаіць каля касы? Вядома, нельга. Тое, што касы не агароджаныя, не значыць, што любы можа сесці за працоўнае месца касіра, да таго ж там, дзе знаходзяцца грошы. Раўнасільна: зайсці ў банк і сесці на працоўнае месца банкаўскага службоўца. І раз ужо ўсе бачылі, што дзядулю дрэнна, то чаму яго ніхто не прапусціў наперад? Чаму ён стаяў у чарзе, усе глядзелі, але ніхто не прапусціў, не дапамог? Навошта шукаць крайніх, калі сваё «бярвенне ў воку» маецца?»

«Еўраопт» тым часам адрэагаваў на пост, паабяцаўшы разабрацца ў сітуацыі.

А пакуль беларусы чакалі афіцыйнага адказу, дыскусія працягнулася.

Аўтарка паста патлумачыла, прычым шмат разоў, чаму ніхто не прапусціў старога чалавека наперад. У чарзе перад ім стаяла пажылая жанчына, а хто быў перад ёй — аўтарка не разгледзела.

Узніклі пытанні: чаму ў гандлёвых пунктах не прадугледжаныя лаўкі? Бо дрэнна можа стаць не толькі пажылым людзям. Усе часам могуць адчуць сябе не надта добра. І што тады рабіць?

І вось які адказ даў «Еўраопт» сёння:

«Добры дзень! Мы яшчэ раз хочам вам падзякаваць за тое, што не прайшлі міма і падзяліліся гэтай сітуацыяй! Кіраўніцтва кампаніі правяло ўнутраную праверку, па выніках якой з адміністрацыяй гандлёвага аб’екта і касірам адбылася дысцыплінарная гутарка. Дырэктар і касірка прыносяць шчырыя прабачэнні. Мы таксама прыкладзём усе намаганні, каб падобныя сітуацыі не паўтараліся.

Асобны дзякуй вам за ідэю: адміністрацыя гэтай крамы абяцала паклапаціцца пра тое, каб заўсёды было даступнае крэсла, якое супрацоўнікі пры неабходнасці змогуць аператыўна прапанаваць пажылым людзям. У нас сапраўды самыя лепшыя і чулыя пакупнікі! Дзякуй, што дапамагаеце нам рабіцца лепшымі!»

• 8
• 1
• 0
• 5
• 4
• 2
• 2
• 0