З 1 ліпеня 2011 года мыты за ўвезеныяз-за мяжы аўтамабілі будуць вылічацца па новых, вышэйшых стаўках.
Такі «падарунак» беларусы атрымалі праз уступленне краіны ў Мытны саюз з Расіяй і Казахстанам.
Інфармацыя пра іх з’явілася на стэндах мытняў.
Прывядзём просты прыклад.
Наш калега Сяргей набыў два тыдні таму ў Нямеччыне ў салоне машыну Volvo S60 2002 года выпуску за 4 900 еўра.
Каля 1000 еўра ён заплаціў за растаможку (аб’ём 2 400), выдаткі на паездку і перагон склалі 500 еўра. Такім чынам машына
абышлася ў 6 400 еўра.
Цяпер
толькі растаможка такога аўто складзе 12 тыс. еўра!(5 еўра х 2400 кубікаў = 12 000).
Плюсуем 5 400 (4900+500), атрымліваецца, што зараз такая машына
абыйдзецца яму ў 17 400 еўра
Возьмем больш бюджэтны «варыянт»: аўтамабіль 2007 года з аб’ёмам рухавіка 1 600. Яго растаможка будзе каштаваць 4 000 еўра (2,5×1600). Растаможка аўтамабіля 2003 года з аб’ёмам рухавіка 1 600 абыйдзецца цяпер вам у 5 600 еўра (3,5×1600).
-
400‑тысячны артыкул апублікаваны на сайце «Нашай Нівы». А пра што былі 300-тысячны, 200-тысячны, 100-тысячны?
-
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам
-
Калі вы працуеце ў Польшчы, то можаце за хвіліну падтрымаць «Нашу Ніву» 1,5% падаходнага, не патраціўшы ані гроша. Вось як
Каментары