Цьмяныя бойкі на фоне францускага індастрыялу.
«Асінае гняздо» (Nid de guêpes)
Дзе: Першы канал (БТ)
Калі:Аўторак, 9 студзеня, 22:10
Пра што: Элен Лябары 30 гадоў, яна агент элітных войскаў. Ёй далі заданьне суправаджаць Абдэна Нэксэпа, ўплывовую постаць у альбанскай мафіі. Гэты небясьпечны злачынца вінаваціцца ў стварэньні шырокай сеткі прастытуцыі і мусіць стаць перад эўрапейскім судом.
Але найміты-забойцы зь ягонай арганізацыі ладзяць уночы засаду, каб вызваліць свайго шэфа, але Лябары і яе людзям удаецца ўцячы ад іх разам са зьняволеным і схавацца ў складзкім ангары ў вялікай індустрыяльнай зоне. Там яны сутыкаюцца з бандай, якая прабралася ў ангар, каб скрасьці кампутарнае абсталяваньне. І ў гэты самы час ангар бяруць у аблогу галаварэзы Нэксэпа…
Што кажуць: Гэта першы за ўвесь час францускі баявік, які пераконвае, што надзеі Люка Бэсона на пасьпяховую канкурэнцыю з Галівудам не беспадстаўныя.
Надзіва моцны баявік, які падчас у паказе боек і страляніны роўны «Шарагоўцу Раяну», а часам выклікае асацыяцыі зь фільмамі касьмічнай тэматыкі — настолькі дасканалыя тэхнічна асобныя эпізоды. Слабое месца традыцыйнае для фільмаў такога жанру — у нядоўгіх перапынках між сутычкамі героі вымушаныя паказваць падабенства чалавечых адносінаў, чаго дастаткова прымітыўны сцэнар папросту не выцягвае.
Рэжысэр: Фляран-Эмілія Сіры (Florent-Emilio Siri).
У ролях: Samy Naceri, Benoît Magimel, Nadia Farès і інш.
Каментары