Стваральнікі мяркуюць што ён здольны скласці канкурэнцыю «Сканія» і «Вольва».
Стваральнікі мяркуюць што ён здольны скласці канкурэнцыю «Сканія» і «Вольва».
17 жніўня ў Мінску прадстаўлена новая мадэль аўтамабіля сталічнага аўтазавода — «МАЗ-6440» з капотнай кампаноўкай рухавіка.
На мадэлі выкарыстаны рухавік Мінскага маторнага завода магутнасцю 600 к.с. экалагічнага стандарту Еўра-4. Устаноўлена аўтаматычная каробка перадач. Даўжыня аўтацягніка (18,45 м) не перавышае дапушчальных у Беларусі габарытаў.
Аўтамабіль аснашчаны круіз-кантролем, лічбавым тахографам, электрапад’ёмнікам люка кабіны, люстрамі з электракіраваннем, сістэмай курсавой устойлівасці, кандыцыянерам, халадзільнікам, сядзеннямі павышанай камфортнасці, двума спальнымі месцамі і іншымі сістэмамі для павышанай камфортнасці.
Як паведаміў намеснік галоўнага канструктара Мікалай Лакотка, аўтамабіль створаны, у першую чаргу, для расійскага рынку і тых краін, дзе няма такога абмежавання па даўжыні аўтапозеда, як 16,5 м (гэты нарматыў існуе ў Еўрасаюзе). Акрамя таго, варыянт аўтамабіля з капотнай кампаноўкай прадугледжвае стварэнне на яго базе шэрагу аўтамабіляў — гэта можа быць і самазвал, і грузавік.
«МАЗ-6440» распрацаваны цалкам нашым КБ, — падкрэсліў Лакотка, — прычым гэта новая мадэль не толькі для завода, але і для краін СНД. 75-80% камплектуючых — беларускія». Як сцвярджае намеснік галоўнага канструктара, новы цягач у сілах вытрымаць канкурэнцыю з аналагамі такіх прызнаных вытворцаў, як «Сканія» і «Вольва», а «па магутнасных характарыстыках у сукупнасці з цэнавым дыяпазонам нават перавышае іх».
Паводле слоў Лакоткі, цяпер новы аўтамабіль праходзіць выпрабаванні — «наездзіў каля 2-3 тысяч кіламетраў, і пакуль сур’ёзных праблем не выявілася. Цяпер адаптуецца пад вадзіцеля, праходзіць выпрабаванні па ўсіх сістэмах, вузлах і агрэгатах, у тым ліку ў няштатным рэжыме».
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары