Літоўскі міністр узнагародзіў памежнікаў, якія не пусцілі беларускую чыноўніцу
Іх адзначылі за тое, што «не згубілі пільнасць».
Міністр унутраных спраў Літвы Раймундас Палайціс узнагародзіў памежнікаў Яўгенія Вінчу і Юстыню Клявінску за тое, што не згубілі пільнасць і не прапусцілі намесніцу мінісітра юстыцыі Беларусі Алу Бодак на тэрыторыю ЕС,паведамляе lrytas.lt.
«Гэта не быў асаблівы дзень. Адмовы ва ўедзе ў краіну здараюцца штодня. Гэты выпадак адрозны тым, што не ўпусцілі непажаданага палітыка», — паведаміла Юстына Клявінска.
Напісанне прозвішча беларускай чыноўніцы ў пашпарце і памежнай сістэме адрознівалася, перадае літоўскі партал. Тады памежнікі для праверкі даслалі запыт у Дэпартамент міграцыі, а той — у МУС. У выніку Ала Бодак, адна з сямі ўдзельнікаў беларускай дэлегацыі, засталася ў Беларусі.
Lrytas.lt таксама спасылаецца на сваю крыніцу, якая шмат гадоў працавала ў сістэме ўнутраных спраў, паводле якой непажаданым беларускім палітыкам раней неаднаразова ўдавалася трапляць у Літву.
Маўляў, высокім чыноўнікам, у тым ліку і Але Бодак, у Літве ўдавалася адпачываць і хадзіць па крамах.
Міністр унутраных спраў Літвы сцвярджае, што пра гэта не ведае. Мажліва, гэта было да таго, як іх уключылі ў «чорны спіс», перадае словы Палайціса літоўскі партал. «На гэта магло б адказаць міністэрства замежных спраў», — дадае міністр.
Цяпер чытаюць
Кадэбэшнікі тэлефануюць беларусам у эміграцыі праз іх сяброў — чаго хочуць?10
Каментары