Гомельскі актывіст Ігар Случак прызнаны вінаватым у дробным хуліганстве
Суд Савецкага раёна Гомеля 31 жніўня прызнаў вінаватым у правапарушэнні гомельскага дэмакратычнага актывіста Ігара Случака і пакараў яго трыма суткамі адміністрацыйнага арышту. Паколькі амаль трое сутак актывіст ужо адседзеў у ІЧУ пасля затрымання, то суд палічыў, што пакаранне ўжо выканана.
Малады чалавек быў затрыманы 26 жніўня ў Гомелі і абвінавачаны ў дробным хуліганстве — нецэнзурнай лаянцы. Тры дні да суда Случак правёў у ІЧУ.
Супраць актывіста на судзе сведчыў гамяльчанін Сяргей Замай, які паказаў, што Случак на вуліцы штурхнуў яго і аблаяў матам. Замай прызнаў, што стаяў на ўліку ў інспекцыі па справах непаўналетніх, н
еаднаразова прыцягваўся да адміністрацыйнай адказнасці, а на пытанне, ці ўжывае алкаголь, сказаў: «Так, вядома, у дастатковай колькасці».Случак прасіў суд далучыць да матэрыялаў справы раздрукоўкі фатаграфій Замая з яго старонкі ў сацыяльнай сетцы «Укантакце», дзе сведка паказаны з бутэлькамі спіртнога ў неэстэтычным выглядзе.
Таксама супраць Случака сведчылі
супрацоўнікі палка міліцыі спецыяльнага прызначэння Аляксандр Панчанка, Аляксандр Семчанка і Юрый Бярозкін.Апошні ўжо выступаў у судах і даваў сведчанні супраць удзельнікаў акцый маўклівага пратэсту. Міліцыянеры ўказалі, што, калі яны неслі службу, да іх падышоў грамадзянін і паскардзіўся, што Случак абразіў яго матам.
Актывіст не прызнаў сябе вінаватым, рашэнне суда ён будзе абскарджваць.
«Суд праходзіў у камічным рэчышчы, сведка, якога я нібы абразіў, неаднаразова прыцягваўся да адміністрацыйнай адказнасці, стаяў на ўліку ў ІСН. Ён не памятае, за што яго шматразова прыцягвалі да адміністрацыйнай адказнасці, але па секундах памятае, як і дзе я яго нібы абразіў. На яго старонцы ў сацыяльнай сетцы на шматлікіх фота відаць, які лад жыцця вядзе гэты чалавек «, — пракаментаваў Случак.
«Гэта быў не суд, а фарс, тэатр, але гэта добрая практыка для мяне як студэнта юрыдычнага факультэта. У нас ёсць такія несапраўдныя вучэбныя суды на практычных занятках, вось я і выступіў у вучэбным судзе — незразумелыя сведкі, пацярпелыя, як гульня», — дадаў актывіст.
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Зяленскі: Рэтранслятары на мяжы Беларусі прыпынілі працу69
Каментары