Homielski aktyvist Ihar Słučak pryznany vinavatym u drobnym chulihanstvie
Sud Savieckaha rajona Homiela 31 žniŭnia pryznaŭ vinavatym u pravaparušeńni homielskaha demakratyčnaha aktyvista Ihara Słučaka i pakaraŭ jaho tryma sutkami administracyjnaha aryštu. Pakolki amal troje sutak aktyvist užo adsiedzieŭ u IČU paśla zatrymańnia, to sud paličyŭ, što pakarańnie ŭžo vykanana.
Małady čałaviek byŭ zatrymany 26 žniŭnia ŭ Homieli i abvinavačany ŭ drobnym chulihanstvie — niecenzurnaj łajancy. Try dni da suda Słučak pravioŭ u IČU.
Suprać aktyvista na sudzie śviedčyŭ hamialčanin Siarhiej Zamaj, jaki pakazaŭ, što Słučak na vulicy šturchnuŭ jaho i abłajaŭ matam. Zamaj pryznaŭ, što stajaŭ na ŭliku ŭ inśpiekcyi pa spravach niepaŭnaletnich, n
jeadnarazova pryciahvaŭsia da administracyjnaj adkaznaści, a na pytańnie, ci ŭžyvaje ałkahol, skazaŭ: «Tak, viadoma, u dastatkovaj kolkaści».Słučak prasiŭ sud dałučyć da materyjałaŭ spravy razdrukoŭki fatahrafij Zamaja ź jaho staronki ŭ sacyjalnaj sietcy «Ukantakcie», dzie śviedka pakazany z butelkami śpirtnoha ŭ nieestetyčnym vyhladzie.
Taksama suprać Słučaka śviedčyli
supracoŭniki pałka milicyi śpiecyjalnaha pryznačeńnia Alaksandr Pančanka, Alaksandr Siemčanka i Juryj Biarozkin.Apošni ŭžo vystupaŭ u sudach i davaŭ śviedčańni suprać udzielnikaŭ akcyj maŭklivaha pratestu. Milicyjaniery ŭkazali, što, kali jany nieśli słužbu, da ich padyšoŭ hramadzianin i paskardziŭsia, što Słučak abraziŭ jaho matam.
Aktyvist nie pryznaŭ siabie vinavatym, rašeńnie suda jon budzie abskardžvać.
«Sud prachodziŭ u kamičnym rečyščy, śviedka, jakoha ja niby abraziŭ, nieadnarazova pryciahvaŭsia da administracyjnaj adkaznaści, stajaŭ na ŭliku ŭ ISN. Jon nie pamiataje, za što jaho šmatrazova pryciahvali da administracyjnaj adkaznaści, ale pa siekundach pamiataje, jak i dzie ja jaho niby abraziŭ. Na jaho staroncy ŭ sacyjalnaj sietcy na šmatlikich fota vidać, jaki ład žyćcia viadzie hety čałaviek «, — prakamientavaŭ Słučak.
«Heta byŭ nie sud, a fars, teatr, ale heta dobraja praktyka dla mianie jak studenta jurydyčnaha fakulteta. U nas jość takija niesapraŭdnyja vučebnyja sudy na praktyčnych zaniatkach, voś ja i vystupiŭ u vučebnym sudzie — niezrazumiełyja śviedki, paciarpiełyja, jak hulnia», — dadaŭ aktyvist.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»41
Kamientary