У чарговым адборачным матчы маладзёжнага чэмпіянату Еўропы 2013 года па футболе зборная Беларусі прайграла камандзе Германіі з лікам 0:1 (Эсвайн, 29). Сустрэча прайшла 6 верасня ў Барысаве ў прысутнасці прыкладна 3,5 тыс. гледачоў.
Склад зборнай Беларусі: Вайцяховіч, Палякоў, Палітэвіч (капітан), Бага (Макась, 73), Куган, Хлебасолаў, Кандрацьеў, Кузьмянок, Скітаў (Іваноў, 64), Кендыш, Алексіевіч.
Статыстыка матча (падлік УЕФА): удары па варотах — 5:7, з іх у створ варот — 2:3, вуглавыя ўдары — 0:6, штрафныя ўдары — 9:9.
2 верасня Беларусь згуляла ў Барысаве ўнічыю з Босніяй і Герцагавінай — 1:1.
Становішча каманд: Германія — 9 ачкоў (3 матчы; розніца мячоў 12–1), Боснія і Герцагавіна — 4 (2; 4–1), Беларусь — 4 (3; 4–4), Грэцыя — 3 (2; 4–3), Кіпр — 3 (3; 7–6),
Наступны матч каманда Юрыя Шуканава правядзе 7 кастрычніка ў гасцях супраць Кіпра.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро7
Каментары