Першы шляхціц на экране
Першае зьяўленьне шляхціца Завальні, якому наканавана доўгае кінажыцьцё...
“Шляхціц Завальня, альбо Беларусь у фантастычных апавяданьнях” Яна Баршчэўскага – твор слыннны. Ён так і просіцца на экран, каб зьдзівіць нас казачнай атмасфэрай, неверагоднымі прыгодамі й страшнымі загадкамі старасьвеччыны.
На пачатку 90-ых кніга Баршчэўскага была пераадкрытая – і выдадзеная масавым накладам. Кнігай зачытваліся, ілюстрацыі Славука палохалі, а студэнты Акадэміі мастацтваў марылі паставіць хаця б па навэлі. Але стужку паводле Баршчэўскага зьняў Віктар Тураў.
Карціна сталася апошняй у творчасьці майстра. І на вялікі жаль – не найлепшай. Дзеяньне замаруджанае, амаль статычнае; акторы хутчэй пазіруюць, а адмысловых эфэктаў вобмаль.
Затое ёсьць касьцюмы – некаторыя зь іх надзіва пекныя (і гэта ў цяжкія для кіно часы!). Ёсьць руіны старой Беларусі, якая жадае прачнуцца. Ёсьць трапяткія, дзівосныя й казачныя кадры, зьнятыя зь неверагоднай апэратарскай выкшталцонасьцю.
Ёсьць прадчуваньне таго, што гэта першае зьяўленьне шляхціца на экране, якому наканавана доўгае і багатае на прыгоды кінажыцьцё.
“Шляхціц Завальня, альбо Беларусь у фантастычных апавяданьнях”
Беларусь, 1994, каляровы, 100 хв.
Рэжысэр: Віктар Тураў
Ролі выконваюць: Уладзімер Гасьцюхін, Барыс Няўзораў, Данатас Баніёніс, Уладзімер Манаеў, Алена Барзова
Жанр: Гісторыка-фантазійныя апавяданьні паводле аднайменнай кнігі Яна Баршчэўскага
Адзнака: 4 (з 10)
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары